rishta-e-rasm-e-mohabbat mat toD

rishta-e-rasm-e-mohabbat mat toḌ

toḌ kar dil ko qayāmat mat toḌ

kām-e-nākāmī bhī ik kaam sahī

toḌ ummīd ko himmat mat toḌ

raat furqat kī paḌī hai ai dil

ek hī naale meñ tāqat mat toḌ

us kī rahmat ko na be-kār samajh

mai-o-maiḳhāne kī niyyat mat toḌ

dekh achchhī nahīñ ye ḳhar-mastī

sāġhar-e-bāda-e-fursat mat toḌ

ai dil ummīd-e-rihā.ī mat bāñdh

aur aafat sar-e-āfat mat toḌ

pūchh mat lazzat-e-mai ai vaa.iz

jānvar dām-e-sharī.at mat toḌ

sehan-e-masjid ko kiye jā pāmāl

qaid-e-ā.īn-e-tarīqat mat toḌ

mai-kada dekh ke jannat ko na bhuul

hirs se band-e-qanā.at mat toḌ

is kā ehsān uThānā hai hameñ

gardan ai bār-e-nadāmat mat toḌ

ai 'qalaq' but-kade meñ bāñdh ehrām

ham se lillāh rifāqat mat toḌ

rishta-e-rasm-e-mohabbat mat toD

toD kar dil ko qayamat mat toD

kaam-e-nakaami bhi ek kaam sahi

toD ummid ko himmat mat toD

raat furqat ki paDi hai ai dil

ek hi nale mein taqat mat toD

us ki rahmat ko na be-kar samajh

mai-o-maiKHane ki niyyat mat toD

dekh achchhi nahin ye KHar-masti

saghar-e-baada-e-fursat mat toD

ai dil ummid-e-rihai mat bandh

aur aafat sar-e-afat mat toD

puchh mat lazzat-e-mai ai waiz

jaanwar dam-e-shariat mat toD

sehan-e-masjid ko kiye ja pamal

qaid-e-ain-e-tariqat mat toD

mai-kada dekh ke jannat ko na bhul

hirs se band-e-qanaat mat toD

is ka ehsan uThana hai hamein

gardan ai bar-e-nadamat mat toD

ai 'qalaq' but-kade mein bandh ehram

hum se lillah rifaqat mat toD