rishta jigar ka KHun-e-jigar se nahin raha
rishta jigar kā ḳhūn-e-jigar se nahīñ rahā
mausam tavāf-e-kūchā-o-dar kā nahīñ rahā
dil yuuñ to gaah gaah sulagtā hai aaj bhī
manzar magar vo raqs-e-sharar kā nahīñ rahā
majbūr ho ke jhukne lagā hai yahāñ vahāñ
ye sar bhī tere ḳhāk-ba-sar kā nahīñ rahā
ghar kā to ḳhair zikr hī kyā hai ki zehn meñ
naqsha bhī us bhare-pure ghar kā nahīñ rahā
bāñdhā kisī ne raḳht-e-safar is tarah ki ab
dil ko 'fuzail' shauq safar kā nahīñ rahā
rishta jigar ka KHun-e-jigar se nahin raha
mausam tawaf-e-kucha-o-dar ka nahin raha
dil yun to gah gah sulagta hai aaj bhi
manzar magar wo raqs-e-sharar ka nahin raha
majbur ho ke jhukne laga hai yahan wahan
ye sar bhi tere KHak-ba-sar ka nahin raha
ghar ka to KHair zikr hi kya hai ki zehn mein
naqsha bhi us bhare-pure ghar ka nahin raha
bandha kisi ne raKHt-e-safar is tarah ki ab
dil ko 'fuzail' shauq safar ka nahin raha
Source:
(Pg. 81)
- Author: Fuzail Jafri
-
- Publisher: Karnataka Urdu Academy, Bangalore
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
