aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ro raha tha main bhari barsat thi

Saqib Lakhnavi

ro raha tha main bhari barsat thi

Saqib Lakhnavi

MORE BYSaqib Lakhnavi

    ro rahā thā maiñ bharī barsāt thī

    haal kyā khultā añdherī raat thī

    mere nāloñ se hai barham bāġhbāñ

    ye ḳhafā hone koī baat thī

    din nahīñ dekhā sivā-e-shām-e-hijr

    zindagī-bhar meñ yahī ik raat thī

    nāla-o-āh-o-fuġhāñ se baḌh ga.ī

    varna ulfat ik zarā baat thī

    hashr tak laayā jahāñ se dard-e-dil

    kis ko detā kyā koī sauġhāt thī

    band kiiñ āñkheñ ki dekhūñ ḳhvāb-e-sub.h

    khol kar jab aañkh dekhā raat thī

    ai sabā ġhunchoñ ne hañs kar kyā kahā

    un qissa thā ki merī baat thī

    allāh allāh vahdat-e-shām-e-firāq

    ek merī ek us zaat thī

    aap gin deñ masā.ib hijr ke

    yuuñ to kahne ke liye ik raat thī

    hichkiyoñ se rāz-e-ulfat khul gayā

    aa ga.ī muñh par jo dil meñ baat thī

    sham-e-marqad tujh se shikva hai mujhe

    mere ghar meñ bhī añdherī raat thī

    kuchh na kuchh 'sāqib' ne paidā kar liyā

    ye zamīñ to dushman-e-abyāt thī

    ro raha tha main bhari barsat thi

    haal kya khulta andheri raat thi

    mere nalon se hai barham baghban

    ye KHafa hone ki koi baat thi

    din nahin dekha siwa-e-sham-e-hijr

    zindagi-bhar mein yahi ek raat thi

    nala-o-ah-o-fughan se baDh gai

    warna ulfat ek zara si baat thi

    hashr tak laya jahan se dard-e-dil

    kis ko deta kya koi saughat thi

    band kin aankhen ki dekhun KHwab-e-subh

    khol kar jab aankh dekha raat thi

    ai saba ghunchon ne hans kar kya kaha

    un ka qissa tha ki meri baat thi

    allah allah wahdat-e-sham-e-firaq

    ek meri ek us ki zat thi

    aap hi gin den masaib hijr ke

    yun to kahne ke liye ek raat thi

    hichkiyon se raaz-e-ulfat khul gaya

    aa gai munh par jo dil mein baat thi

    sham-e-marqad tujh se shikwa hai mujhe

    mere ghar mein bhi andheri raat thi

    kuchh na kuchh 'saqib' ne paida kar liya

    ye zamin to dushman-e-abyat thi

    Source:

    Deewan-e-Saqib (Pg. 344)

    • Author: Mirza Zakir Husain Qazlibaas Saqib Lucknowvi
      • Edition: 1998
      • Publisher: Urdu Acadami U.P.
      • Year of Publication: 1998
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now