روتا رہا میں اس کو وہ رویا کیا مجھے

روتا رہا میں اس کو وہ رویا کیا مجھے

کل رات ایک دشت نے دریا کیا مجھے

ویسے تو حادثے کئی پہلے بھی ہو چکے

لیکن یہ کیا کہ تم نے تو سجدہ کیا مجھے

مجھ پر دوائے زخم ہوئی بے اثر تو پھر

اس کے گداز جسم نے اچھا کیا مجھے

آنکھوں میں جب تلک رہا دنیا کی رات تھا

چھو کر تری نظر نے سویرا کیا مجھے

کس کا بچھوہ تھا مجھے تاریک کر گیا

کس کے ملن نے پھر سے دیا سا کیا مجھے

اس کی ہی پیاس تھی مجھے در در جو لے گئی

اور اس کی آرزو نے ہی صحرا کیا مجھے