roz-e-awwal hi se tafriq ye auqat mein hai

Mahir Abdul Hayee

roz-e-awwal hi se tafriq ye auqat mein hai

Mahir Abdul Hayee

MORE BYMahir Abdul Hayee

    roz-e-avval se tafrīq ye auqāt meñ hai

    koī hai din ke ujāle meñ koī raat meñ hai

    maiñ bhī majmua-e-azdād huuñ duniyā tarah

    kahīñ sahrā kahīñ gulzār mirī zaat meñ hai

    hai mire gird mirī maañ duāoñ hisār

    ġham nahīñ hai koī dushman jo mirī ghaat meñ hai

    maiñ tahī-dast huuñ lekin ye pata hai mujh ko

    vo mire naam hai jo chiiz tire haat meñ hai

    dāman-e-shab meñ chamakte haiñ sitāroñ tarah

    aks kis ye mirī ḳhaak ke zaat meñ hai

    tīrgī ḳhauf pahlū meñ basī hai lekin

    kuchh umīdoñ chamak dil ke mazāfāt meñ hai

    mil jā.egī kahīñ paañv Tikāne jagah

    ab sitāroñ jahāñ merī futūhāt meñ hai

    mirī pastī pe bahut tanz na kar chashm-e-falak

    us ko bhī dekh bulandī jo ḳhayālāt meñ hai

    ek rañg meñ rahtī hai tabī.at har dam

    farq jaaḌe meñ na garmī meñ na barsāt meñ hai

    dil laraztā hai pas-e-parda na ho zahr koī

    kuchh ziyāda miThās ab ke tirī baat meñ hai

    dekhnā vo bhī kahīñ chhūT na jaa.e 'māhir'

    jo chamaktā huā ik rañg rivāyāt meñ hai

    roz-e-awwal hi se tafriq ye auqat mein hai

    koi hai din ke ujale mein koi raat mein hai

    main bhi majmua-e-azdad hun duniya ki tarah

    kahin sahra kahin gulzar meri zat mein hai

    hai mere gird meri man ki duaon ka hisar

    gham nahin hai koi dushman jo meri ghat mein hai

    main tahi-dast hun lekin ye pata hai mujh ko

    wo mere nam hai jo chiz tere hat mein hai

    daman-e-shab mein chamakte hain sitaron ki tarah

    aks kis ka ye meri KHak ke zat mein hai

    tirgi KHauf ki pahlu mein basi hai lekin

    kuchh umidon ki chamak dil ke mazafat mein hai

    mil hi jaegi kahin panw Tikane ki jagah

    ab sitaron ka jahan meri futuhat mein hai

    meri pasti pe bahut tanz na kar chashm-e-falak

    us ko bhi dekh bulandi jo KHayalat mein hai

    ek hi rang mein rahti hai tabiat har dam

    farq jaDe mein na garmi mein na barsat mein hai

    dil larazta hai pas-e-parda na ho zahr koi

    kuchh ziyaada hi miThas ab ke teri baat mein hai

    dekhna wo bhi kahin chhuT na jae 'mahir'

    jo chamakta hua ek rang riwayat mein hai

    Source:

    • Book : Hari Sonahri Khak (Ghazal) (Pg. 107)
    • Author : Mahir Abdul Hayee
    • Publication : Bazme-e-Urdu,Mau (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY