roz-e-awwal se asir ai dil-e-nashad hain hum

Arshad Ali Khan Qalaq

roz-e-awwal se asir ai dil-e-nashad hain hum

Arshad Ali Khan Qalaq

MORE BYArshad Ali Khan Qalaq

    roz-e-avval se asiir ai dil-e-nāshād haiñ ham

    parvarish-yāfta-e-ḳhāna-e-sayyād haiñ ham

    kis tarah se na pise dil ruḳh-e-gandum-gūñ par

    āqibat hazrat-e-ādam aulād haiñ ham

    jo laḌakpan se hai gahvāra-e-betābī

    nāz-parvarda-e-ishq-e-sitam ījād haiñ ham

    kyuuñ na ho ranj-e-asīrī-e-qafas se rāhat

    ḳhāna-zād-e-chaman-e-gulshan-e-bedād haiñ ham

    ḳhusrav-e-shahr-e-adā hai jo vo rashk-e-shīrīñ

    koh-e-andoh-o-ġham-o-yās ke farhād haiñ ham

    dīd-e-san.at se hai yaañ ġhāyat-e-dīd-e-sān.e.a

    ai buto shefta-e-husn-e-ḳhudā-dād haiñ ham

    qiil se roke use ham pe jab laate haiñ

    tifl-e-ashk apne ye kahte haiñ ki ustād haiñ ham

    qaid se bhī na rihā ho ke havā kuchh dil shaad

    mubtalā-e-ġham-e-tanhāi-e-sayyād haiñ ham

    chaman-e-dahr meñ be-vaj.h nahīñ haiñ nālāñ

    andalīb-e-gul-e-ruḳhsāra-e-sayyād haiñ ham

    apnī mīrās meñ haiñ dasht-o-jabal ai vahshat

    jā-nashīñ qais ke haiñ vāris-e-farhād haiñ ham

    hathkaḌī kartī hai bai.at to qadam lete haiñ ḳhaar

    tere dīvāne jo ai rashk-e-parī-zād haiñ ham

    qadr apnī na jahāñ meñ huī bā-vasf-kamāl

    sifat-e-bū-e-gul is baaġh meñ barbād haiñ ham

    shikva kartā huuñ tabāhī ke to farmāte haiñ

    ḳhāna-barbādī-e-ushshāq buniyād haiñ ham

    jāñ-nisāroñ se hai teġh-e-nigah-e-yār qaul

    dam meñ lākhoñ ko kareñ qatl vo jallād haiñ ham

    ham shikāyat nahīñ kuchh karte tumhīñ munsif ho

    vājibur-rahm haiñ qābil-e-bedād haiñ ham

    ham samajhte haiñ paḌhā.ī huī bāteñ na karo

    tifl-e-maktab ho tum ai jaañ abhī ustād haiñ ham

    gesū-e-yār ke saude ne kiyā ḳhāna-ḳharāb

    kyā huā ḳhvāhī-e-sayyad meñ barbād haiñ ham

    aaj hotī hai 'qalaq' qata-e-ummīd-e-dīdār

    nigarāñ is liye sū-e-ruḳh-e-jallād haiñ ham

    roz-e-awwal se asir ai dil-e-nashad hain hum

    parwarish-yafta-e-KHana-e-sayyaad hain hum

    kis tarah se na pise dil ruKH-e-gandum-gun par

    aaqibat hazrat-e-adam hi ki aulad hain hum

    jo laDakpan se hai gahwara-e-betabi ki

    naz-parwarda-e-ishq-e-sitam ijad hain hum

    kyun na ho ranj-e-asiri-e-qafas se rahat

    KHana-zad-e-chaman-e-gulshan-e-bedad hain hum

    KHusraw-e-shahr-e-ada hai jo wo rashk-e-shirin

    koh-e-andoh-o-gham-o-yas ke farhad hain hum

    did-e-sanat se hai yan ghayat-e-did-e-sanea

    ai buto shefta-e-husn-e-KHuda-dad hain hum

    qil se roke use hum pe jab late hain

    tifl-e-ashk apne ye kahte hain ki ustad hain hum

    qaid se bhi na riha ho ke hawa kuchh dil shad

    mubtala-e-gham-e-tanhai-e-sayyaad hain hum

    chaman-e-dahr mein be-wajh nahin hain nalan

    andalib-e-gul-e-ruKHsara-e-sayyaad hain hum

    apni miras mein hain dasht-o-jabal ai wahshat

    ja-nashin qais ke hain waris-e-farhad hain hum

    hathkaDi karti hai baiat to qadam lete hain KHar

    tere diwane jo ai rashk-e-pari-zad hain hum

    qadr apni na jahan mein hui ba-wasf-kamal

    sifat-e-bu-e-gul is bagh mein barbaad hain hum

    shikwa karta hun tabahi ke to farmate hain

    KHana-barbaadi-e-ushshaq ki buniyaad hain hum

    jaan-nisaron se hai tegh-e-nigah-e-yar ka qaul

    dam mein lakhon ko karen qatl wo jallad hain hum

    hum shikayat nahin kuchh karte tumhin munsif ho

    wajibur-rahm hain ya qabil-e-bedad hain hum

    hum samajhte hain paDhai hui baaten na karo

    tifl-e-maktab ho tum ai jaan abhi ustad hain hum

    gesu-e-yar ke saude ne kiya KHana-KHarab

    kya hua KHwahi-e-sayyad mein barbaad hain hum

    aaj hoti hai 'qalaq' qata-e-ummid-e-didar

    nigaran is liye su-e-ruKH-e-jallad hain hum

    RECITATIONS

    Nomaan Shauque

    Nomaan Shauque

    Nomaan Shauque

    roz-e-awwal se asir ai dil-e-nashad hain hum Nomaan Shauque

    Source:

    Mazhar-e-Ishq
    • Mazhar-e-Ishq
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY