roz kahan se koi naya-pan apne aap mein laenge

Bashar Nawaz

roz kahan se koi naya-pan apne aap mein laenge

Bashar Nawaz

MORE BYBashar Nawaz

    roz kahāñ se koī nayā-pan apne aap meñ lā.eñge

    tum bhī tañg aa jāoge ik din ham bhī uktā jā.eñge

    chaḌhtā dariyā ek na ik din ḳhud kināre kāTegā

    apne hañste chehre kitne tūfānoñ ko chhupā.eñge

    aag pe chalte chalte ab to ye ehsās bhī kho baiThe

    kyā hogā zaḳhmoñ mudāvā dāman kaise bachā.eñge

    vo bhī koī ham ma.asūm gunāhoñ putlā thā

    nāhaq us se laḌ baiThe the ab mil jaa.e manāeñge

    is jānib ham us jānib tum biich meñ haa.il ek alaav

    kab tak ham tum apne apne ḳhvāboñ ko jhulsā.eñge

    sarmā rut kaaT ke aane vaale parindo ye to kaho

    duur des ko jaane vaale kab tak lauT ke ā.eñge

    tez havā.eñ ā.ankhoñ meñ to ret dukhoñ bhar ga.iiñ

    jalte lamhe rafta rafta dil ko bhī jhulsā.eñge

    mahfil mahfil apnā ta.alluq aaj hai ik mauzū-e-suḳhan

    kal tak tark-e-ta.alluq ke bhī afsāne ban jā.eñge

    roz kahan se koi naya-pan apne aap mein laenge

    tum bhi tang aa jaoge ek din hum bhi ukta jaenge

    chaDhta dariya ek na ek din KHud hi kinare kaTega

    apne hanste chehre kitne tufanon ko chhupaenge

    aag pe chalte chalte ab to ye ehsas bhi kho baiThe

    kya hoga zaKHmon ka mudawa daman kaise bachaenge

    wo bhi koi hum hi sa masum gunahon ka putla tha

    nahaq us se laD baiThe the ab mil jae manaenge

    is jaanib hum us jaanib tum bich mein hail ek alaw

    kab tak hum tum apne apne KHwabon ko jhulsaenge

    sarma ki rut kaT ke aane wale parindo ye to kaho

    dur des ko jaane wale kab tak lauT ke aaenge

    tez hawaen aaankhon mein to ret dukhon ki bhar hi gain

    jalte lamhe rafta rafta dil ko bhi jhulsaenge

    mahfil mahfil apna talluq aaj hai ek mauzu-e-suKHan

    kal tak tark-e-talluq ke bhi afsane ban jaenge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY