ruKH jo zer-e-sumbul-e-pur-pech-o-tab aa jaega

Bahadur Shah Zafar

ruKH jo zer-e-sumbul-e-pur-pech-o-tab aa jaega

Bahadur Shah Zafar

MORE BY Bahadur Shah Zafar

    ruḳh jo zer-e-sumbul-e-pur-pech-o-tāb aa jā.egā

    phir ke burj-e-sumbule meñ āftāb aa jā.egā

    terā ehsāñ hogā qāsid gar shitāb aa jā.egā

    sabr mujh ko dekh kar ḳhat javāb aa jā.egā

    ho na betāb itnā gar us itaab aa jā.egā

    ġhazab meñ ai dil-e-ḳhāna-ḳharāb aa jā.egā

    is qadar ronā nahīñ behtar bas ab ashkoñ ko rok

    varna tūfāñ dekh ai chashm-e-pur-āb aa jā.egā

    pesh hovegā agar tere gunāhoñ hisāb

    tañg zālim arsa-e-roz-e-hisāb aa jā.egā

    dekh kar dast-e-sitam meñ terī teġh-e-ābdār

    mere har zaḳhm-e-jigar ke muñh meñ aab aa jā.egā

    apnī chashm-e-mast gardish na ai saaqī dikhā

    dekh chakkar meñ abhī jām-e-sharāb aa jā.egā

    ḳhuub hogā haañ jo siine se nikal jā.egā

    chain mujh ko ai dil-e-pur-iztirāb aa jā.egā

    ai 'zafar' uTh jā.egā jab parda-e-sharm-o-hijāb

    sāmne vo yaar mere be-hijāb aa jā.egā

    ruKH jo zer-e-sumbul-e-pur-pech-o-tab aa jaega

    phir ke burj-e-sumbule mein aaftab aa jaega

    tera ehsan hoga qasid gar shitab aa jaega

    sabr mujh ko dekh kar KHat ka jawab aa jaega

    ho na betab itna gar us ka itab aa jaega

    tu ghazab mein ai dil-e-KHana-KHarab aa jaega

    is qadar rona nahin behtar bas ab ashkon ko rok

    warna tufan dekh ai chashm-e-pur-ab aa jaega

    pesh howega agar tere gunahon ka hisab

    tang zalim arsa-e-roz-e-hisab aa jaega

    dekh kar dast-e-sitam mein teri tegh-e-abdar

    mere har zaKHm-e-jigar ke munh mein aab aa jaega

    apni chashm-e-mast ki gardish na ai saqi dikha

    dekh chakkar mein abhi jam-e-sharab aa jaega

    KHub hoga han jo sine se nikal jaega tu

    chain mujh ko ai dil-e-pur-iztirab aa jaega

    ai 'zafar' uTh jaega jab parda-e-sharm-o-hijab

    samne wo yar mere be-hijab aa jaega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY