ruswa bhi hue jam paTakna bhi na aaya

Ezaz Afzal

ruswa bhi hue jam paTakna bhi na aaya

Ezaz Afzal

MORE BYEzaz Afzal

    rusvā bhī hue jaam paTaknā bhī na aayā

    rindoñ ko salīqe se bahaknā bhī na aayā

    vo log mirī tarz-e-safar jāñch rahe haiñ

    manzil taraf jin ko humaknā bhī na aayā

    thā jin meñ salīqa vo bharī bazm meñ ro.e

    ham ko to kahīñ chhup ke sisaknā bhī na aayā

    ham aise balā-nosh ki chhalkāte guzrī

    tum aise tunuk-zarf chhalaknā bhī na aayā

    ham jaag rahe the so abhī jaag rahe haiñ

    ai zulmat-e-shab tujh ko thapaknā bhī na aayā

    lalchā.ī koī zulf na machlā koī dāman

    is baaġh ke phūloñ ko mahaknā bhī na aayā

    kam-baḳht sū-e-dair-o-haram bhaag rahī haiñ

    gulshan havāoñ ko sanaknā bhī na aayā

    lahrātī zarā pyaas zarā kaan bajte

    in ḳhālī kaToroñ ko khanaknā bhī na aayā

    ruswa bhi hue jam paTakna bhi na aaya

    rindon ko saliqe se bahakna bhi na aaya

    wo log meri tarz-e-safar jaanch rahe hain

    manzil ki taraf jin ko humakna bhi na aaya

    tha jin mein saliqa wo bhari bazm mein roe

    hum ko to kahin chhup ke sisakna bhi na aaya

    hum aise bala-nosh ki chhalkate hi guzri

    tum aise tunuk-zarf chhalakna bhi na aaya

    hum jag rahe the so abhi jag rahe hain

    ai zulmat-e-shab tujh ko thapakna bhi na aaya

    lalchai koi zulf na machla koi daman

    is bagh ke phulon ko mahakna bhi na aaya

    kam-baKHt su-e-dair-o-haram bhag rahi hain

    gulshan ki hawaon ko sanakna bhi na aaya

    lahraati zara pyas zara kan hi bajte

    in KHali kaToron ko khanakna bhi na aaya

    Source:

    • Book : Kalam-e-aizaz afzal (Pg. 105)
    • Author : Aizaz Afzal
    • Publication : Usmania Book Depot
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY