ruswa kare mujhe ki asir-e-bala kare

rusvā kare mujhe ki asīr-e-balā kare

jo chāhe vo mirā dil-e-dard-āshnā kare

raazī huuñ maiñ vo qatl kare yā jafā kare

bas meñ kisī ke dil na kisī kā ḳhudā kare

muusā na taab laa.e tabassum kī ek din

maiñ chāhtā huuñ roz ye bijlī girā kare

merī tarah kā dil na kisī ko nasīb ho

un kī tarah javāñ na kisī ko ḳhudā kare

maqsūd imtihāñ mirī himmat kā hai agar

har roz āshiyāne pe bijlī girā kare

be-khaTke aao hashr meñ ulTe hue naqāb

kis kī majāl hai jo tumhārā gila kare

haañ muskurā ke naaz se añgḌā.ī lījiye

bijlī kisī ke dil pe gire to girā kare

jis dil kī 'shams' koī na hasrat nikal sake

mar jaa.e vo ġharīb na āḳhir to kyā kare

ruswa kare mujhe ki asir-e-bala kare

jo chahe wo mera dil-e-dard-ashna kare

raazi hun main wo qatl kare ya jafa kare

bas mein kisi ke dil na kisi ka KHuda kare

musa na tab lae tabassum ki ek din

main chahta hun roz ye bijli gira kare

meri tarah ka dil na kisi ko nasib ho

un ki tarah jawan na kisi ko KHuda kare

maqsud imtihan meri himmat ka hai agar

har roz aashiyane pe bijli gira kare

be-khaTke aao hashr mein ulTe hue naqab

kis ki majal hai jo tumhaara gila kare

han muskura ke naz se angDai lijiye

bijli kisi ke dil pe gire to gira kare

jis dil ki 'shams' koi na hasrat nikal sake

mar jae wo gharib na aaKHir to kya kare