ru-e-taban mang mu-e-sar dhuan batti charagh

rū-e-tābāñ maañg mū-e-sar dhuāñ battī charāġh

kyā nahīñ insāñ kī gardan par dhuāñ battī charāġh

kuchh na pūchho zāhidoñ ke batin-o-zāhir kā haal

hai añdherā ghar meñ aur bāhar dhuāñ battī charāġh

dūd-e-afġhān-o-rag-e-jān-o-suvaidā dil meñ hai

band hai qindīl ke andar dhuāñ battī charāġh

tuur par jā kar charāġh-e-tūr kyuuñ dekhe koī

kyā makānoñ meñ nahīñ patthar dhuāñ battī charāġh

ho muāfiq kyūñkar ai parvāne sāya-gustarī

hai muḳhālif zer-e-bāl-o-par dhuāñ battī charāġh

kāñptā hai haath tāsīr-e-dil-e-betāb se

maiñ karūñ raushan to ho muztar dhuāñ battī charāġh

sūrat-e-baḳhshish dikhāveñ kāġhaz-o-satr-o-hurūf

ho amal-nāma sar-e-mahshar dhuāñ battī charāġh

ḳhizr hai bahrī musāfir kā manār-e-raushnī

hai jahāzoñ ke liye rahbar dhuāñ battī charāġh

kyā zarūrat raushnī kī be-ḳhudī kī bazm meñ

zulf-e-sāqī mauj-e-mai sāġhar dhuāñ battī charāġh

sho.ala-rūyoñ ke muqābil rañg jamtā hī nahīñ

uḌ na jaa.e bazm se ban kar dhuāñ battī charāġh

kis salīqe se hai raushan mahfil-e-arz-o-samā

āsmāñ par chāñd hai ghar ghar dhuāñ battī charāġh

sub.h tak karte rahe raushan diloñ se hamsarī

shaam se raushan nafas ho kar dhuāñ battī charāġh

ishq kī garmī ne phūñkā parde parde meñ mujhe

merī chādar meñ mirā bistar dhuāñ battī charāġh

zulf-o-ruḳhsār-o-nazar haiñ dushman-e-īmān-o-dīñ

lūTne nikle haiñ vo le kar dhuāñ battī charāġh

maiñ vo taa.ir huuñ jo huuñ kam-ḳharch aur bālā-nashīñ

ek jugnū yaañ hai aur ghar ghar dhuāñ battī charāġh

shab ko 'mā.il' vaqt-e-ārā.ish musāhib the yahī

phuul surma aa.ina zevar dhuāñ battī charāġh

ru-e-taban mang mu-e-sar dhuan batti charagh

kya nahin insan ki gardan par dhuan batti charagh

kuchh na puchho zahidon ke batin-o-zahir ka haal

hai andhera ghar mein aur bahar dhuan batti charagh

dud-e-afghan-o-rag-e-jaan-o-suwaida dil mein hai

band hai qindil ke andar dhuan batti charagh

tur par ja kar charagh-e-tur kyun dekhe koi

kya makanon mein nahin patthar dhuan batti charagh

ho muafiq kyunkar ai parwane saya-gustari

hai muKHalif zer-e-baal-o-par dhuan batti charagh

kanpta hai hath tasir-e-dil-e-betab se

main karun raushan to ho muztar dhuan batti charagh

surat-e-baKHshish dikhawen kaghaz-o-satr-o-huruf

ho amal-nama sar-e-mahshar dhuan batti charagh

KHizr hai bahri musafir ka manar-e-raushni

hai jahazon ke liye rahbar dhuan batti charagh

kya zarurat raushni ki be-KHudi ki bazm mein

zulf-e-saqi mauj-e-mai saghar dhuan batti charagh

shoala-ruyon ke muqabil rang jamta hi nahin

uD na jae bazm se ban kar dhuan batti charagh

kis saliqe se hai raushan mahfil-e-arz-o-sama

aasman par chand hai ghar ghar dhuan batti charagh

subh tak karte rahe raushan dilon se hamsari

sham se raushan nafas ho kar dhuan batti charagh

ishq ki garmi ne phunka parde parde mein mujhe

meri chadar mein mera bistar dhuan batti charagh

zulf-o-ruKHsar-o-nazar hain dushman-e-iman-o-din

luTne nikle hain wo le kar dhuan batti charagh

main wo tair hun jo hun kam-KHarch aur baala-nashin

ek jugnu yan hai aur ghar ghar dhuan batti charagh

shab ko 'mail' waqt-e-araish musahib the yahi

phul surma aaina zewar dhuan batti charagh