روح کو قید تعلق سے بھی آزاد کیا

روح کو قید تعلق سے بھی آزاد کیا

ہم سے جس طرح بنا ہم نے تمہیں یاد کیا

کبھی کعبہ تو کبھی دیر کو آباد کیا

ہم نے ہر رنگ میں ہر طرح انہیں یاد کیا

ہر نفس بار تھا میرے لئے ہستی کا وجود

چلو اچھا کیا تم نے اسے برباد کیا

میں سمجھتا ہوں وہ کوشش ہے مٹانے کی مری

آپ نے چپکے سے جو چرخ سے ارشاد کیا

الٹا ہے عشق کا آئین خدا تیری پناہ

وہ خفا بیٹھے ہیں کیوں تو نے مجھے یاد کیا

تم نہ پرسش کے لئے آئے زمانہ آیا

مرتے مرتے تمہیں رافتؔ نے بہت یاد کیا