ruh par jism koi bar na samjha jae

ruuh par jism koī baar na samjhā jaa.e

ye havas hai so ise pyaar na samjhā jaa.e

koī ḳhvāboñ meñ bhī khoyā huā ho saktā hai

har khulī aañkh ko bedār na samjhā jaa.e

kitnī bāteñ hameñ samjhā.ī ga.ī hotī haiñ

jaise dīvār ko dīvār na samjhā jaa.e

jab hidāyat nahīñ miltī tirī jānib se mujhe

mujh adākār se kirdār na samjhā jaa.e

kitne parvāne bachātā huuñ bujhā kar maiñ sham'

mujh ko zulmat kā taraf-dār na samjhā jaa.e

maiñ samajhne se nahīñ rok rahā huuñ lekin

ḳhud ko itnā bhī samajhdār na samjhā jaa.e

ruh par jism koi bar na samjha jae

ye hawas hai so ise pyar na samjha jae

koi KHwabon mein bhi khoya hua ho sakta hai

har khuli aankh ko bedar na samjha jae

kitni baaten hamein samjhai gai hoti hain

jaise diwar ko diwar na samjha jae

jab hidayat nahin milti teri jaanib se mujhe

mujh adakar se kirdar na samjha jae

kitne parwane bachata hun bujha kar main sham'

mujh ko zulmat ka taraf-dar na samjha jae

main samajhne se nahin rok raha hun lekin

KHud ko itna bhi samajhdar na samjha jae