sabit raha falak mere nalon ke samne

sābit rahā falak mire nāloñ ke sāmne

Thahrī sipar habāb ke bhāloñ ke sāmne

muusā haiñ ġhash meñ gesuoñ vāloñ ke sāmne

gul hai charāġh-e-tūr bhī kāloñ ke sāmne

phūloñ kā rañg zard hai gāloñ ke sāmne

sumbul meñ bal nahīñ tire bāloñ ke sāmne

rakhvā.e jhaaḌ us ne nihāloñ ke sāmne

qalameñ lagīñ bilor kī Dāloñ ke sāmne

jaatā huuñ jab ḳhizāñ meñ nihāloñ ke sāmne

āñkhoñ se nahreñ bahtī haiñ thāloñ ke sāmne

phūle shafaq to zard ho gāloñ ke sāmne

paanī bhare ghaTā tire bāloñ ke sāmne

taare hue ġhurūb ḳhat-o-ḳhāl dekh kar

goroñ ke paañv uTh ga.e gāloñ ke sāmne

āñkhoñ meñ phirte haiñ nahīñ aate haiñ rū-ba-rū

parde paḌe haiñ dekhne vāloñ ke sāmne

dekhā hai āshiqoñ ne barahman kī aañkh se

har but ḳhudā hai chāhne vāloñ ke sāmne

chhuT jā.eñge asiir chhupā zulf-e-ḳham najam

kaTtī haiñ beḌiyāñ tire bāloñ ke sāmne

betāb dast-e-shauq haiñ joban ke rū-ba-rū

bose meñ jaañ ba-lab tire gāloñ ke sāmne

ifrāt-e-mai se mujh ko ye josh-e-surūr hai

bajvā.ūñ jal-tarañg meñ pyāloñ ke sāmne

jild-e-badan hai taḳhta-e-mashq-e-sipāh-e-ġham

rahtī hai ye kitāb risāloñ ke sāmne

āñkheñ tumhārī dekh ke kuchh sūjhtā nahīñ

bhūlā huuñ chaukḌī maiñ ġhazāloñ ke sāmne

darvāzoñ par butoñ ke lagāyā kiye alaav

holī jalā.ī ham ne shivāloñ ke sāmne

zulfoñ meñ dekhtā huuñ tirā chehra-e-sabīh

labrez jām-e-shīr hai kāloñ ke sāmne

tere gadā se band hai aalam kā nātiqa

aate nahīñ javāb savāloñ ke sāmne

khīñche butoñ ne apnī taraf zāhidoñ ke dil

qibla-numā phire haiñ shivāloñ ke sāmne

chorī se bosa-e-kaf-e-pā leñ jo ai parī

hoñT apne chuum luuñ tire gāloñ ke sāmne

pahuñchā falak ko faqr kā rutba huzūr-e-aish

kambal chaḌhe haiñ charḳh-e-do-shāloñ ke sāmne

ahl-e-kitāb haiñ saf-e-mizhgāñ ke rū-ba-rū

kāġhaz ke daste aa.e risāloñ ke sāmne

faiyyaz sā.iloñ se nahīñ karte sar-kashī

shīshoñ ke sar jhuke haiñ pyāloñ ke sāmne

dast-e-jafā uThā.eñge kyā jism-e-zār par

kāñTā hoñ teġh-e-nāz ke chhāloñ ke sāmne

shīshe ko husn-e-garm ne paara banā diyā

ā.īne uḌ ga.e tire gāloñ ke sāmne

teġh-e-nigah ko motiyoñ kī Daab chāhiye

ā.īna rakh ke dekhiye chhāloñ ke sāmne

jalte rahe butoñ kī huzūrī meñ sham.a-rū

pariyāñ satī huī haiñ shivāloñ ke sāmne

ham-chashmoñ par lagā.ī haiñ us but ne goliyāñ

toḌe hue haiñ sher ġhazāloñ ke sāmne

jaada bunat banā mirī vahshat ke faiz se

goTe ke go kohar hue chhāloñ ke sāmne

mere hunar kā koī nahīñ qadr-dāñ 'munīr'

sharminda huuñ maiñ apne kamāloñ ke sāmne

sabit raha falak mere nalon ke samne

Thahri sipar habab ke bhaalon ke samne

musa hain ghash mein gesuon walon ke samne

gul hai charagh-e-tur bhi kalon ke samne

phulon ka rang zard hai galon ke samne

sumbul mein bal nahin tere baalon ke samne

rakhwae jhaD us ne nihaalon ke samne

qalamen lagin bilor ki Dalon ke samne

jata hun jab KHizan mein nihaalon ke samne

aankhon se nahren bahti hain thaalon ke samne

phule shafaq to zard ho galon ke samne

pani bhare ghaTa tere baalon ke samne

tare hue ghurub KHat-o-KHal dekh kar

goron ke panw uTh gae galon ke samne

aankhon mein phirte hain nahin aate hain ru-ba-ru

parde paDe hain dekhne walon ke samne

dekha hai aashiqon ne barahman ki aankh se

har but KHuda hai chahne walon ke samne

chhuT jaenge asir chhupa zulf-e-KHam najam

kaTti hain beDiyan tere baalon ke samne

betab dast-e-shauq hain joban ke ru-ba-ru

bose mein jaan ba-lab tere galon ke samne

ifraat-e-mai se mujh ko ye josh-e-surur hai

bajwaun jal-tarang mein pyalon ke samne

jild-e-badan hai taKHta-e-mashq-e-sipah-e-gham

rahti hai ye kitab risalon ke samne

aankhen tumhaari dekh ke kuchh sujhta nahin

bhula hun chaukDi main ghazalon ke samne

darwazon par buton ke lagaya kiye alaw

holi jalai hum ne shiwalon ke samne

zulfon mein dekhta hun tera chehra-e-sabih

labrez jam-e-shir hai kalon ke samne

tere gada se band hai aalam ka natiqa

aate nahin jawab sawalon ke samne

khinche buton ne apni taraf zahidon ke dil

qibla-numa phire hain shiwalon ke samne

chori se bosa-e-kaf-e-pa len jo ai pari

honT apne chum lun tere galon ke samne

pahuncha falak ko faqr ka rutba huzur-e-aish

kambal chaDhe hain charKH-e-do-shaalon ke samne

ahl-e-kitab hain saf-e-mizhgan ke ru-ba-ru

kaghaz ke daste aae risalon ke samne

faiyyaz sailon se nahin karte sar-kashi

shishon ke sar jhuke hain pyalon ke samne

dast-e-jafa uThaenge kya jism-e-zar par

kanTa hon tegh-e-naz ke chhaalon ke samne

shishe ko husn-e-garm ne para bana diya

aaine uD gae tere galon ke samne

tegh-e-nigah ko motiyon ki Dab chahiye

aaina rakh ke dekhiye chhaalon ke samne

jalte rahe buton ki huzuri mein shama-ru

pariyan sati hui hain shiwalon ke samne

ham-chashmon par lagai hain us but ne goliyan

toDe hue hain sher ghazalon ke samne

jada bunat bana meri wahshat ke faiz se

goTe ke go kohar hue chhaalon ke samne

mere hunar ka koi nahin qadr-dan 'munir'

sharminda hun main apne kamalon ke samne