sae ne sae ko sada di

saa.e ne saa.e ko sadā dī

ret kī har dīvār girā dī

is ghar meñ rakkhā hī kyā thā

maiñ ne ghar meñ aag lagā dī

niiñd tumheñ aatī hī kab thī

yaad ne kis kī niiñd uḌā dī

guzre the ḳhāmosh galī se

vo jaane ab jis ne sadā dī

ek zarā sī baat thī jis kī

dil ne saarī umr sazā dī

maiñ apne ġham meñ Duubā thā

tum ne kyuuñ āvāz sunā dī

ik saa.e kī yaad meñ pyāre

nāhaq saarī umr gañvā dī

hū ke aalam meñ bole ho

saarī fazā ik guuñj banā dī

jab sāgar apne par aayā

sāhil kī har chiiz bahā dī

ishq ajab ziddī bachcha hai

sar phoḌā aur ḳhaak uḌā dī

ishq hamārī miTTī meñ thā

sūrat kyuuñ patthar kī banā dī

sae ne sae ko sada di

ret ki har diwar gira di

is ghar mein rakkha hi kya tha

main ne ghar mein aag laga di

nind tumhein aati hi kab thi

yaad ne kis ki nind uDa di

guzre the KHamosh gali se

wo jaane ab jis ne sada di

ek zara si baat thi jis ki

dil ne sari umr saza di

main apne gham mein Duba tha

tum ne kyun aawaz suna di

ek sae ki yaad mein pyare

nahaq sari umr ganwa di

hu ke aalam mein bole ho

sari faza ek gunj bana di

jab sagar apne par aaya

sahil ki har chiz baha di

ishq ajab ziddi bachcha hai

sar phoDa aur KHak uDa di

ishq hamari miTTi mein tha

surat kyun patthar ki bana di