samne aao ki main chehra-e-zeba dekhun

sāmne aao ki maiñ chehra-e-zebā dekhūñ

aur is ā.īne meñ aks phir apnā dekhūñ

tum hī manzil ho tum hī gauhar-e-maqsūd mirā

dekh kar tum ko maiñ kyā aur tamāshā dekhūñ

tum hī batlāo ki is kār-gah-e-hastī meñ

kyā na dekhūñ maiñ agar dekhūñ to kyā kyā dekhūñ

tujh ko ye naaz koī pā na sakegā hargiz

mujh ko ye zid ki tirā naqsh-e-kaf-e-pā dekhūñ

tū ne chāhā to bahut gardish-e-ayyām ki maiñ

ḳhud tamāshā banūñ apnā hī tamāshā dekhūñ

kaash is ziist meñ vo vaqt bhī aa.e 'mahbūb'

chaar sū dahr meñ īmāñ kā ujālā dekhūñ

samne aao ki main chehra-e-zeba dekhun

aur is aaine mein aks phir apna dekhun

tum hi manzil ho tum hi gauhar-e-maqsud mera

dekh kar tum ko main kya aur tamasha dekhun

tum hi batlao ki is kar-gah-e-hasti mein

kya na dekhun main agar dekhun to kya kya dekhun

tujh ko ye naz koi pa na sakega hargiz

mujh ko ye zid ki tera naqsh-e-kaf-e-pa dekhun

tu ne chaha to bahut gardish-e-ayyam ki main

KHud tamasha banun apna hi tamasha dekhun

kash is zist mein wo waqt bhi aae 'mahbub'

chaar su dahr mein iman ka ujala dekhun