ثانیؔ رونا دھونا چھوڑ

ثانیؔ رونا دھونا چھوڑ

بیتی بات کا پلہ چھوڑ

ان سے ان سے مل کر آ

تنہا تنہا رہنا چھوڑ

آنکھیں کھو بیٹھے گا تو

پیارے اس کا سپنا چھوڑ

جانے والا چلا گیا

تو بھی اب یہ رستہ چھوڑ

اپنی پیاس سے پانی مانگ

یہاں سے اٹھ یہ دریا چھوڑ

اپنے گھر میں جا کر بیٹھ

ان کے ان کے رونا چھوڑ

اپنی آنکھ سے اوپر اٹھ

منہ دیکھے کا دیکھا چھوڑ

اس کی زمیں پر ہیں سب شہر

کیا جنگل کیا صحرا چھوڑ

اپنی ذات کو عشق سے بھر

اور یہ کھیل تماشا چھوڑ