sanson mein rag-o-pai mein samaya hai koi aur

Shahid Mahuli

sanson mein rag-o-pai mein samaya hai koi aur

Shahid Mahuli

MORE BYShahid Mahuli

    sāñsoñ meñ rag-o-pai meñ samāyā hai koī aur

    hai ziist kisī aur jiitā hai koī aur

    āñkhoñ ne basā.ī hai koī aur sūrat

    us dil ke nihāñ-ḳhāne meñ Thahrā hai koī aur

    kyā turfa tamāshā hai ki us dil sadā ko

    suntā hai koī aur samajhtā hai koī aur

    ik aag hai jo dil meñ bujhī jaatī hai har-pal

    ḳhirman se jo uThtā hai vo sho.ala hai koī aur

    lāshe haiñ kināre pe paḌe tishna-laboñ ke

    jo pyaas bujhātā hai vo dariyā hai koī aur

    har sub.h pe saaya hai kuchh talḳhī-e-shab

    har shaam ko andesha-e-fardā hai koī aur

    ik bū-e-rifāqat fazāoñ meñ hai 'shāhid'

    is kūcha-e-begāna se guzrā hai koī aur

    sanson mein rag-o-pai mein samaya hai koi aur

    hai zist kisi aur ki jita hai koi aur

    aankhon ne basai hai koi aur hi surat

    us dil ke nihan-KHane mein Thahra hai koi aur

    kya turfa tamasha hai ki us dil ki sada ko

    sunta hai koi aur samajhta hai koi aur

    ek aag hai jo dil mein bujhi jati hai har-pal

    KHirman se jo uThta hai wo shoala hai koi aur

    lashe hain kinare pe paDe tishna-labon ke

    jo pyas bujhata hai wo dariya hai koi aur

    har subh pe saya sa hai kuchh talKHi-e-shab ka

    har sham ko andesha-e-farda hai koi aur

    ek bu-e-rifaqat si fazaon mein hai 'shahid'

    is kucha-e-begana se guzra hai koi aur

    Source
    • Book : Kahein Kuch Nahein Hota (Pg. 122)
    • Author : Shahid Mahuli
    • Publication : Miaar Publications (2003)
    • Edition : 2003
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY