saqi ho aur chaman ho mina ho aur hum hon

Taban Abdul Hai

saqi ho aur chaman ho mina ho aur hum hon

Taban Abdul Hai

MORE BYTaban Abdul Hai

    saaqī ho aur chaman ho miinā ho aur ham hoñ

    bārāñ ho aur havā ho sabza ho aur ham hoñ

    zāhid ho aur taqvā aabid ho aur musallā

    maalā ho aur barahman sahbā ho aur ham hoñ

    majnūñ haiñ ham hameñ to is shahr se hai vahshat

    shahrī hoñ aur bastī sahrā ho aur ham hoñ

    yā-rab koī muḳhālif hove na gird mere

    ḳhalvat ho aur shab ho pyārā ho aur ham hoñ

    dīvāngī ham ko kyā haz ho har taraf gar

    laḌke hoñ aur phathre balvā ho aur ham hoñ

    auroñ ko aish-o-ishrat ai charḳh-e-be-muravvat

    ġhussa ho aur ġham ho ronā ho aur ham hoñ

    īmān o diiñ se 'tābāñ' kuchh kaam nahīñ hai ham ko

    saaqī ho aur mai ho duniyā ho aur ham hoñ

    saqi ho aur chaman ho mina ho aur hum hon

    baran ho aur hawa ho sabza ho aur hum hon

    zahid ho aur taqwa aabid ho aur musalla

    mala ho aur barahman sahba ho aur hum hon

    majnun hain hum hamein to is shahr se hai wahshat

    shahri hon aur basti sahra ho aur hum hon

    ya-rab koi muKHalif howe na gird mere

    KHalwat ho aur shab ho pyara ho aur hum hon

    diwangi ka hum ko kya haz ho har taraf gar

    laDke hon aur phathre balwa ho aur hum hon

    auron ko aish-o-ishrat ai charKH-e-be-murawwat

    ghussa ho aur gham ho rona ho aur hum hon

    iman o din se 'taban' kuchh kaam nahin hai hum ko

    saqi ho aur mai ho duniya ho aur hum hon

    Source :
    • Deewan-e-Taban Rekhta Website)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY