sari duniya mein mere ji ko laga ek hi shaKHs

saarī duniyā meñ mire jī ko lagā ek hī shaḳhs

ek hī shaḳhs thā aisā ba-ḳhudā ek hī shaḳhs

darja-e-kufr sahī madh-e-jamāl-e-jānāñ

dil kī pūchho to ḳhudā se bhī banā ek hī shaḳhs

aisā lagtā hai sabhī 'ishq kisī ek se the

aisā lagtā hai mujhe miltā rahā ek hī shaḳhs

vo jo maiñ us kī mohabbat bhī kisī aur se kī

un dinoñ shahr kā har shaḳhs lagā ek hī shaḳhs

maiñ to ai 'ishq tirī kūza-garī jāntā huuñ

tū ne ham do ko milāyā to banā ek hī shaḳhs

mujh se nārāz na honā mire achchhe logo

kyā karūñ merī mohabbat ne chunā ek hī shaḳhs

tū jo kahtā hai tire jaise ka.ī aur bhī haiñ

tujh ko dā'vā hai to phir ḳhud sā dikhā ek hī shaḳhs

tū jise chāhtā hai maiñ bhī use chāhtā huuñ

achchhā lagtā hai mujhe tere sivā ek hī shaḳhs

dost sab se kahāñ khiñchtā hai ġhazal kā chilla

hujra-e-‘mīr’ meñ hotā hai sadā ek hī shaḳhs

sari duniya mein mere ji ko laga ek hi shaKHs

ek hi shaKHs tha aisa ba-KHuda ek hi shaKHs

darja-e-kufr sahi madh-e-jamal-e-jaanan

dil ki puchho to KHuda se bhi bana ek hi shaKHs

aisa lagta hai sabhi 'ishq kisi ek se the

aisa lagta hai mujhe milta raha ek hi shaKHs

wo jo main us ki mohabbat bhi kisi aur se ki

un dinon shahr ka har shaKHs laga ek hi shaKHs

main to ai 'ishq teri kuza-gari jaanta hun

tu ne hum do ko milaya to bana ek hi shaKHs

mujh se naraaz na hona mere achchhe logo

kya karun meri mohabbat ne chuna ek hi shaKHs

tu jo kahta hai tere jaise kai aur bhi hain

tujh ko da'wa hai to phir KHud sa dikha ek hi shaKHs

tu jise chahta hai main bhi use chahta hun

achchha lagta hai mujhe tere siwa ek hi shaKHs

dost sab se kahan khinchta hai ghazal ka chilla

hujra-e-‘mir’ mein hota hai sada ek hi shaKHs