Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sab ko KHwabon ke na aiwan mein rakh

Faza Ibn e Faizi

sab ko KHwabon ke na aiwan mein rakh

Faza Ibn e Faizi

MORE BYFaza Ibn e Faizi

    sab ko ḳhvāboñ ke na aivān meñ rakh

    maiñ haqīqat huuñ mujhe dhyān meñ rakh

    rāhzan phirte haiñ bastī bastī

    ghar sarmāya bayābān meñ rakh

    shab-parastoñ hai duniyā pyāre

    apne sūraj ko garebān meñ rakh

    kyā karegā ye muTThī-bhar dhuup

    aag siine ke ḳhiyābān meñ rakh

    be-sadā qarya-e-ehsās huā

    uñgliyāñ ab na yahāñ kaan meñ rakh

    kisī dastak ujālā na sahī

    sham.a yādoñ to dālān meñ rakh

    farhat-angez hai bāhar havā

    khiḌkiyāñ zehn ke aivān meñ rakh

    hai dar-o-bast-e-ma.ānī in se

    malaka lafzoñ pahchān meñ rakh

    shahr-tā-shahr hai zaḳhmoñ paḌāv

    apnā ḳhema abhī maidān meñ rakh

    ai 'fazā' lai ye sho.ala na bujhe

    itnā āhang to auzān meñ rakh

    sab ko KHwabon ke na aiwan mein rakh

    main haqiqat hun mujhe dhyan mein rakh

    rahzan phirte hain basti basti

    ghar ka sarmaya bayaban mein rakh

    shab-paraston ki hai duniya pyare

    apne suraj ko gareban mein rakh

    kya karega tu ye muTThi-bhar dhup

    aag sine ke KHiyaban mein rakh

    be-sada qarya-e-ehsas hua

    ungliyan ab na yahan kan mein rakh

    kisi dastak ka ujala na sahi

    shama yaadon ki to dalan mein rakh

    farhat-angez hai bahar ki hawa

    khiDkiyan zehn ke aiwan mein rakh

    hai dar-o-bast-e-maani in se

    malaka lafzon ki pahchan mein rakh

    shahr-ta-shahr hai zaKHmon ka paDaw

    apna KHema abhi maidan mein rakh

    ai 'faza' lai ka ye shoala na bujhe

    itna aahang to auzan mein rakh

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now