sab phul uTha lae the jis dam mein aae

sab phuul uThā laa.e the jis daam meñ aa.e

sad-shukr mire bheje hue kaam meñ aa.e

jogī ko na.e phere kī fursat hī kahāñ ab

milnā ho jise hujra-e-badnām meñ aa.e

ye baaġh munāsib hī nahīñ sair kī ḳhātir

sab zāġh-o-zaġhan dīda-e-gulfām meñ aa.e

farmān ye jaarī kiyā us ne ki mirā naam

aa.e bhī agar bhuul se dushnām meñ aa.e

chuum aa.e tire dhoke meñ dahlīz kisī kī

kuchh shakl-o-shabāhat bhī dar-o-bām meñ aa.e

gardish ne zamāne kī to bas ḳhuun nichoḌā

raas aa.ī hameñ raat na din kaam meñ aa.e

sab phul uTha lae the jis dam mein aae

sad-shukr mere bheje hue kaam mein aae

jogi ko nae phere ki fursat hi kahan ab

milna ho jise hujra-e-badnam mein aae

ye bagh munasib hi nahin sair ki KHatir

sab zagh-o-zaghan dida-e-gulfam mein aae

farman ye jari kiya us ne ki mera nam

aae bhi agar bhul se dushnam mein aae

chum aae tere dhoke mein dahliz kisi ki

kuchh shakl-o-shabahat bhi dar-o-baam mein aae

gardish ne zamane ki to bas KHun nichoDa

ras aai hamein raat na din kaam mein aae