sab rang mein us gul ki mere shan hai maujud

Bahadur Shah Zafar

sab rang mein us gul ki mere shan hai maujud

Bahadur Shah Zafar

MORE BY Bahadur Shah Zafar

    sab rañg meñ us gul mire shaan hai maujūd

    ġhāfil zarā dekh vo har aan hai maujūd

    har taar dāman ke mire kar ke tabarruk

    sar-basta har ik ḳhār-e-bayābān hai maujūd

    uryāni-e-tan hai ye ba-az-ḳhil.at-e-shāhī

    ham ko ye tire ishq meñ sāmān hai maujūd

    kis tarah lagāve koī dāmāñ ko tire haath

    hone ko ab dast-o-garebān hai maujūd

    letā rahā raat tire ruḳh balā.eñ

    pūchh le ye zulf-e-pareshān hai maujūd

    tum chashm-e-haqīqat se agar aap ko dekho

    ā.īna-e-haq meñ dil-e-insān hai maujūd

    kahtā hai 'zafar' haiñ ye suḳhan aage sabhoñ ke

    jo koī yahāñ sāhib-e-irfān hai maujūd

    sab rang mein us gul ki mere shan hai maujud

    ghafil tu zara dekh wo har aan hai maujud

    har tar ka daman ke mere kar ke tabarruk

    sar-basta har ek KHar-e-bayaban hai maujud

    uryani-e-tan hai ye ba-az-KHilat-e-shahi

    hum ko ye tere ishq mein saman hai maujud

    kis tarah lagawe koi daman ko tere hath

    hone ko tu ab dast-o-gareban hai maujud

    leta hi raha raat tere ruKH ki balaen

    tu puchh le ye zulf-e-pareshan hai maujud

    tum chashm-e-haqiqat se agar aap ko dekho

    aaina-e-haq mein dil-e-insan hai maujud

    kahta hai 'zafar' hain ye suKHan aage sabhon ke

    jo koi yahan sahib-e-irfan hai maujud

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY