aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sach kaho kis ne liya dil ki jo paya na gaya

Aashiq Husain Bazm Afandi

sach kaho kis ne liya dil ki jo paya na gaya

Aashiq Husain Bazm Afandi

MORE BYAashiq Husain Bazm Afandi

    sach kaho kis ne liyā dil ki jo paayā na gayā

    yaañ hamīñ tum haiñ koī aur na aaya na gayā

    dil meñ thī aag lagī dīda-e-tar ko dekho

    ghar jalā paas aur us se bujhāyā na gayā

    din ye furqat baḌhā chaar pahar saa.at bhar

    pā-e-dīvār se haT kar kahīñ saayā na gayā

    dil taḌaptā rahā phir zo.af ke baa.is mujh se

    zabt apne bhī ehsān uThāyā na gayā

    dil mirā mar ke rahā aaTh pahar pahlū meñ

    haa.e muhtāj murda thā uThāyā na gayā

    va.ada kar kar ke jagāyā mujhe rātoñ ko magar

    merī sotī huī qismat ko jagāyā na gayā

    to ye shauq thā haal un ko sunā.ūñ jo mileñ

    vaa.e qismat jo mile vo to sunāyā na gayā

    ġhair jab ho gayā nārāz manāne ko ga.e

    ek din ruuTh gayā maiñ to manāyā na gayā

    bazm se us chale aao jo bigḌā vo but

    baiThne ko koī fiqra bhī banāyā na gayā

    mere marne ḳhabar sun ke bhalā kyā aate

    un se ik baar ayādat ko bhī aaya na gayā

    un mehñdī rahī ḳhuub jamālī rangat

    ham se to rang bhī mahfil meñ jamāyā na gayā

    miT ga.e sang-e-dar-e-yār pe ghis ghis ke jabīñ

    apnī taqdīr ke likkhe ko miTāyā na gayā

    donoñ majbūr rahe zo.af-o-nazākat ke sabab

    ham vahāñ na sake yaar se aaya na gayā

    duur baiThā huā bhī ham ko na vo dekh sake

    bazm meñ ġhair ko pahlū se uThāyā na gayā

    is nazākat pe na kyoñ jaan ko qurbāñ kar duuñ

    ki gale par mire ḳhanjar bhī phirāyā na gayā

    ek shab arsh pe mahbūb ko bulvā liyā

    hijr vo ġham hai ḳhudā se bhī uThāyā na gayā

    'bazm' tāqat ye ghaTī hijr shab aah jo

    dil se lab tak ka.ī Thekoñ meñ bhī aaya na gayā

    sach kaho kis ne liya dil ki jo paya na gaya

    yan hamin tum hain koi aur na aaya na gaya

    dil mein thi aag lagi dida-e-tar ko dekho

    ghar jala pas ka aur us se bujhaya na gaya

    din ye furqat ka baDha chaar pahar saat bhar

    pa-e-diwar se haT kar kahin saya na gaya

    dil taDapta raha phir zoaf ke bais mujh se

    zabt ka apne bhi ehsan uThaya na gaya

    dil mera mar ke raha aaTh pahar pahlu mein

    hae muhtaj ka murda tha uThaya na gaya

    wada kar kar ke jagaya mujhe raaton ko magar

    meri soti hui qismat ko jagaya na gaya

    ya to ye shauq tha haal un ko sunaun jo milen

    wae qismat jo mile wo to sunaya na gaya

    ghair jab ho gaya naraaz manane ko gae

    ek din ruTh gaya main to manaya na gaya

    bazm se us ki chale aao jo bigDa wo but

    baiThne ko koi fiqra bhi banaya na gaya

    mere marne ki KHabar sun ke bhala kya aate

    un se ek bar ayaadat ko bhi aaya na gaya

    un ki mehndi ki rahi KHub jamali rangat

    hum se to rang bhi mahfil mein jamaya na gaya

    miT gae sang-e-dar-e-yar pe ghis ghis ke jabin

    apni taqdir ke likkhe ko miTaya na gaya

    donon majbur rahe zoaf-o-nazakat ke sabab

    hum wahan ja na sake yar se aaya na gaya

    dur baiTha hua bhi hum ko na wo dekh sake

    bazm mein ghair ko pahlu se uThaya na gaya

    is nazakat pe na kyon jaan ko qurban kar dun

    ki gale par mere KHanjar bhi phiraya na gaya

    ek shab arsh pe mahbub ko bulwa hi liya

    hijr wo gham hai KHuda se bhi uThaya na gaya

    'bazm' taqat ye ghaTi hijr ki shab aah jo ki

    dil se lab tak kai Thekon mein bhi aaya na gaya

    Source:

    Ayagh-e-Bazm (Pg. 15)

    • Author: Aashiq Husain Bazm Afandi
      • Publisher: Agra Akhbar Press, Agra
      • Year of Publication: 1927
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now