سدا ایسے نہ گزریں گے یہاں شام و سحر میرے

سدا ایسے نہ گزریں گے یہاں شام و سحر میرے

کبھی آئیں گی خوشیاں بھی مجھے ملنے کو گھر میرے

کبھی اونچی اڑانوں کا ارادہ جو کیا میں نے

اسی پل کاٹ ڈالے ہیں ہواؤں نے یہ پر میرے

تلاش کوئے یاراں میں پھرا ہوں در بدر ہو کر

رہے ہیں ہر گھڑی یہ راستے ہی ہم سفر میرے

عذاب ہجر میں یوں ہی نہ جیون یہ گزرتا پھر

اگر تم چاندنی راتوں میں رہتے منتظر میرے

سدا ہی گردش دوراں سے الجھا ہوں میں ثاقبؔ جی

سدا ہوتے ہیں اب تو رات دن یوں ہی بسر میرے