aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sada-e-shauq sukut-e-labi se sharminda

Iftikhar Shahid Abu Saad

sada-e-shauq sukut-e-labi se sharminda

Iftikhar Shahid Abu Saad

MORE BYIftikhar Shahid Abu Saad

    sadā-e-shauq sukūt-e-labī se sharminda

    darūñ shor mirī ḳhāmushī se sharminda

    kaho to aaj zarā sañvār luuñ ḳhud ko

    ki aa.ine haiñ mirī sādgī se sharminda

    ajiib dohrī 'izzat sāmnā hai inheñ

    koī kisī se to koī kisī se sharminda

    hamāre haath jo dastak na de sake dar par

    hamāre haath rahe us kajī se sharminda

    ham apnī ḳhaak jahāñ meñ uḌaa.e phirte haiñ

    ai shahr-e-yār tumhārī galī se sharminda

    ham is sadī meñ bhī manzil se āshnā na hue

    ye aur baat hai pichhlī sadī se sharminda

    hai mere paas ye luknat-zada zabāñ 'shāhid'

    ai ḳhush-kalām tirī naġhmagī se sharminda

    sada-e-shauq sukut-e-labi se sharminda

    darun ka shor meri KHamushi se sharminda

    kaho to aaj zara sa sanwar lun KHud ko

    ki aaine hain meri sadgi se sharminda

    ajib dohri 'izzat ka samna hai inhen

    koi kisi se to koi kisi se sharminda

    hamare hath jo dastak na de sake dar par

    hamare hath rahe us kaji se sharminda

    hum apni KHak jahan mein uDae phirte hain

    ai shahr-e-yar tumhaari gali se sharminda

    hum is sadi mein bhi manzil se aashna na hue

    ye aur baat hai pichhli sadi se sharminda

    hai mere pas ye luknat-zada zaban 'shahid'

    ai KHush-kalam teri naghmagi se sharminda

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now