sadiyon ka karb lamhon ke dil mein basa diya
sadiyoñ kā karb lamhoñ ke dil meñ basā diyā
pal bhar kī zindagī ko davāmī banā diyā
dīvār meñ vo chun hī rahā thā mujhe magar
kam-baḳht ek sañg kahīñ muskurā diyā
jab aur koī madd-e-muqābil nahīñ rahā
merī anā ne mujh ko mujhī se laḌā diyā
mujh se na pūchh kal ke muhaqqiq se pūchhnā
sho.aloñ ke lams ne mujhe kyuuñ yaḳh banā diyā
yādoñ ke shahr meñ bhī na 'hairat' sukūñ milā
hālāt ne mizāj kuchh aisā banā diyā
sadiyon ka karb lamhon ke dil mein basa diya
pal bhar ki zindagi ko dawami bana diya
diwar mein wo chun hi raha tha mujhe magar
kam-baKHt ek sang kahin muskura diya
jab aur koi madd-e-muqabil nahin raha
meri ana ne mujh ko mujhi se laDa diya
mujh se na puchh kal ke muhaqqiq se puchhna
shoalon ke lams ne mujhe kyun yaKH bana diya
yaadon ke shahr mein bhi na 'hairat' sukun mila
haalat ne mizaj kuchh aisa bana diya
Source:
Rooh-e-Ghazal,Pachas Sala Intekhab (Pg. 363)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
