sadme jo kuchh hon dil pe sahiye
sadme jo kuchh hoñ dil pe sahiye
pūchhe bhī koī to chup hī rahiye
be-sabr hī kah ke ruk ga.e kyuuñ
kahiye kahiye kuchh aur kahiye
āḳhir kab tak ye be-niyāzī
insāf se aap hī na kahiye
mar hī jaane kī baat hai ye
mere liye aap zulm sahiye
āñkhoñ meñ ġhurūr hai kisī kā
kis tarah kisī se dab ke rahiye
sunñe kī jo baat ho vo suniye
kahne kī jo baat ho vo kahiye
rone ko paḌī hai umr saarī
chhāloñ kī tarah na phuuT bahiye
suniye jo 'hafīz' kī musībat
ro dījiye aap meñ na rahiye
sadme jo kuchh hon dil pe sahiye
puchhe bhi koi to chup hi rahiye
be-sabr hi kah ke ruk gae kyun
kahiye kahiye kuchh aur kahiye
aaKHir kab tak ye be-niyazi
insaf se aap hi na kahiye
mar hi jaane ki baat hai ye
mere liye aap zulm sahiye
aankhon mein ghurur hai kisi ka
kis tarah kisi se dab ke rahiye
sunne ki jo baat ho wo suniye
kahne ki jo baat ho wo kahiye
rone ko paDi hai umr sari
chhaalon ki tarah na phuT bahiye
suniye jo 'hafiz' ki musibat
ro dijiye aap mein na rahiye
Source:
Diwan-e-Hafeez(Rekhta Website) (Pg. 150)
- Author: Hafeez Jaunpuri
-
- Edition: 1903
- Publisher: Matba Hakeem,Gorakhpur
- Year of Publication: 1903
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.