safar badalta raha ham-safar badalte rahe

safar badaltā rahā ham-safar badalte rahe

zarūratoñ ke mutābiq bashar badalte rahe

jahāñ sukūn milā baiTh jaate the ham log

parind kī tarah ham bhī shajar badalte rahe

za.iif baap kī ḳhidmat kī baat jab aa.ī

to mausamoñ kī tarah se pisar badalte rahe

vo manziloñ pe kabhī bhī pahuñch nahīñ paa.e

zarā sī der meñ jo rāhbar badalte rahe

duā.eñ karte rahe ham bhī dushmanoñ ke liye

par apne vāste ham bhī sipar badalte rahe

ye kah rahā hai sar-e-dasht-e-nainvā ḳhanjar

maiñ thak gayā thā magar phir bhī sar badalte rahe

'turāb' tum bhī to badle ho kitnī tezī se

na chāhte hue tum bhī magar badalte rahe

safar badalta raha ham-safar badalte rahe

zaruraton ke mutabiq bashar badalte rahe

jahan sukun mila baiTh jate the hum log

parind ki tarah hum bhi shajar badalte rahe

zaif bap ki KHidmat ki baat jab aai

to mausamon ki tarah se pisar badalte rahe

wo manzilon pe kabhi bhi pahunch nahin pae

zara si der mein jo rahbar badalte rahe

duaen karte rahe hum bhi dushmanon ke liye

par apne waste hum bhi sipar badalte rahe

ye kah raha hai sar-e-dasht-e-nainwa KHanjar

main thak gaya tha magar phir bhi sar badalte rahe

'turab' tum bhi to badle ho kitni tezi se

na chahte hue tum bhi magar badalte rahe