safar mein dhup hai to saeban bhi hoga

safar meñ dhuup hai to sā.ebān bhī hogā

zamīn hogī jahāñ āsmān bhī hogā

ḳhabar kahāñ thī ki ye ruuh ek masjid hai

siyah vajūd meñ nūr-e-azān bhī hogā

tire badan pe ye būḌhā safed sar kaisā

jadīd bachche batā kyā javān bhī hogā

mirī pasand ke afrād jis meñ rahte haiñ

zamīñ pe aisā koī ḳhāndān bhī hogā

sunā hai shahr-e-ḳhamoshāñ meñ aa gayā huuñ maiñ

yahīñ kahīñ koī merā makān bhī hogā

vo mujh se bichhḌā maiñ ro-dho ke 'ashk' bhuul gayā

patā nahīñ thā ki dil par nishān bhī hogā

safar mein dhup hai to saeban bhi hoga

zamin hogi jahan aasman bhi hoga

KHabar kahan thi ki ye ruh ek masjid hai

siyah wajud mein nur-e-azan bhi hoga

tere badan pe ye buDha safed sar kaisa

jadid bachche bata kya jawan bhi hoga

meri pasand ke afrad jis mein rahte hain

zamin pe aisa koi KHandan bhi hoga

suna hai shahr-e-KHamoshan mein aa gaya hun main

yahin kahin koi mera makan bhi hoga

wo mujh se bichhDa main ro-dho ke 'ashk' bhul gaya

pata nahin tha ki dil par nishan bhi hoga