سفر تمام کرے دن تو رات ہوتی ہے

سفر تمام کرے دن تو رات ہوتی ہے

کسی کی موت کسی کی حیات ہوتی ہے

زبان سے وہ کوئی اور بات کرتے ہیں

مگر مراد کوئی اور بات ہوتی ہے

متاع جاں کی حفاظت نہ کیوں کرے ذی روح

یہی غریب کی کل کائنات ہوتی ہے

میں جی رہا ہوں کسی اور زندگی کے لئے

یہ زندگی تو بڑی بے ثبات ہوتی ہے

وہ ہاتھ تھامتے ہیں اور چھوڑ دیتے ہیں

گھڑی میں قید گھڑی میں نجات ہوتی ہیں

بہت ہوئے ہیں محبت کے تجربے لیکن

ہمیشہ کوئی نئی واردات ہوتی ہے

شعورؔ کل کی کسی کو خبر نہیں ہوتی

حیات سلسلۂ حادثات ہوتی ہے