Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

safhe pe kab chaman ke hawa se ghubar hai

Ishq Aurangabadi

safhe pe kab chaman ke hawa se ghubar hai

Ishq Aurangabadi

MORE BYIshq Aurangabadi

    safhe pe kab chaman ke havā se ġhubār hai

    ye apne sar pe ḳhaak uḌātī bahār hai

    shabnam kuchh nahīñ gul-e-nargis o pur-asar

    ye dekh lo bahār chashm ashk-bār hai

    ye shāḳh-e-gul pe ġhuncha-e-gul se bahār

    yaaro dil-e-girafta dekho āshkār hai

    hotā hai gul tarz se iz.hār is tarah

    ye paara paara dāman-o-jeb-e-bahār hai

    gulshan ke biich ye gul-e-sad-barg niiñ hai zard

    ai āshiqo bahār rañg-e-azār hai

    gulshan ke biich kahte haiñ ye jis ko lāla-zār

    so nau-bahār jigar dāġh-dār hai

    patthar se maar maar ke sar rotī hai bahār

    jis ko chaman meñ kahte haiñ ye ābshār hai

    ye hāl-e-ḳhasta dekh chaman meñ bahār

    hasrat se mere dil ke upar ḳhaar ḳhaar hai

    gulshan tarah se mujh rañgīñ-diloñ ke biich

    hai ḳhushnumā vo jeb ki jo taar taar hai

    sad-chāk gul sun ke huā jaib-e-pairahan

    yaañ tak to pur asar se fuġhān-e-hazār hai

    ik bulbul-e-asīr se pūchhā meñ kis liye

    aane fasl-e-gul ke tujhe intizār hai

    kahne lagī vo uqda-e-ḳhātir ko khol kar

    gul gul shagufta huuñ maiñ sunūñ jo bahār hai

    āñkhoñ se dil ke diid ko maan.e nahīñ nafas

    āshiq ko ain-hijr meñ bhī vasl-e-yār hai

    us sham.a-rū pe dil se tasadduq hai balki 'ishq'

    parvāna-vār jaan se har-dam nisār hai

    safhe pe kab chaman ke hawa se ghubar hai

    ye apne sar pe KHak uDati bahaar hai

    shabnam ka kuchh nahin gul-e-nargis o pur-asar

    ye dekh lo bahaar ki chashm ashk-bar hai

    ye shaKH-e-gul pe ghuncha-e-gul se bahaar ka

    yaro dil-e-girafta dekho aashkar hai

    hota hai gul ki tarz se izhaar is tarah

    ye para para daman-o-jeb-e-bahaar hai

    gulshan ke bich ye gul-e-sad-barg nin hai zard

    ai aashiqo bahaar ka rang-e-azar hai

    gulshan ke bich kahte hain ye jis ko lala-zar

    so nau-bahaar ka jigar dagh-dar hai

    patthar se mar mar ke sar roti hai bahaar

    jis ko chaman mein kahte hain ye aabshaar hai

    ye haal-e-KHasta dekh chaman mein bahaar ka

    hasrat se mere dil ke upar KHar KHar hai

    gulshan ki tarah se mujh rangin-dilon ke bich

    hai KHushnuma wo jeb ki jo tar tar hai

    sad-chaak gul ka sun ke hua jaib-e-pairahan

    yan tak to pur asar se fughan-e-hazar hai

    ek bulbul-e-asir se puchha mein kis liye

    aane ka fasl-e-gul ke tujhe intizar hai

    kahne lagi wo uqda-e-KHatir ko khol kar

    gul gul shagufta hun main sunun jo bahaar hai

    aankhon se dil ke did ko mane nahin nafas

    aashiq ko ain-hijr mein bhi wasl-e-yar hai

    us shama-ru pe dil se tasadduq hai balki 'ishq'

    parwana-war jaan se har-dam nisar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now