sahar mein rang-e-sahar ke siwa kuchh aur nahin

sahar meñ rang-e-sahar ke sivā kuchh aur nahīñ

ye rang ḳhūn-e-jigar ke sivā kuchh aur nahīñ

vo rah-guzar ki farishte jahāñ pahuñch na sakeñ

hamārī rāhguzar ke sivā kuchh aur nahīñ

har ik nashāt meñ jo kaif-e-jāvedānī hai

vo terī mast nazar ke sivā kuchh aur nahīñ

tumhāre dāman-e-rangīñ pe ashk-e-ġham mere

nujūm-o-shams-o-qamar ke sivā kuchh aur nahīñ

bahut hasīn hai duniyā-e-rang-o-bū lekin

bas ik fareb-e-nazar ke sivā kuchh aur nahīñ

ba-qaul hazrat-e-iqbāl aaj bhī 'shādāñ'

hayāt zauq-e-safar ke sivā kuchh aur nahīñ

sahar mein rang-e-sahar ke siwa kuchh aur nahin

ye rang KHun-e-jigar ke siwa kuchh aur nahin

wo rah-guzar ki farishte jahan pahunch na saken

hamari rahguzar ke siwa kuchh aur nahin

har ek nashat mein jo kaif-e-jawedani hai

wo teri mast nazar ke siwa kuchh aur nahin

tumhaare daman-e-rangin pe ashk-e-gham mere

nujum-o-shams-o-qamar ke siwa kuchh aur nahin

bahut hasin hai duniya-e-rang-o-bu lekin

bas ek fareb-e-nazar ke siwa kuchh aur nahin

ba-qaul hazrat-e-iqbaal aaj bhi 'shadan'

hayat zauq-e-safar ke siwa kuchh aur nahin