sahar se sham rahti hai yahi mushkil mere aage

sahar se shaam rahtī hai yahī mushkil mire aage

kabhī rasta mire aage kabhī manzil mire aage

kabhī maazī kī vahshat hai kabhī fardā kī dahshat hai

mirā maqtal mire pīchhe mirā qātil mire aage

na kuchh kahte banā mujh se na kuchh karte banā mujh se

mirā dushman mire ghar meñ huā dāḳhil mire aage

samundar ke bahut se raaz pinhāñ haiñ mire dil meñ

bahut sī kashtiyāñ Dūbīñ sar-e-sāhil mire aage

mudāvā kar mudāvā kar mudāvā kar mohabbat kā

ye kah kar phuuT kar royā dil-e-bismil mire aage

mirī dukhtī huī rag ko achānak chhū diyā tum ne

ye kis kā zikr le aa.e sar-e-mahfil mire aage

abhī bas ḳhaak hai ḳhāshāk haiñ sahrā-navardī hai

safar ke baa'd aa.egā mirā hāsil mire aage

sahar se sham rahti hai yahi mushkil mere aage

kabhi rasta mere aage kabhi manzil mere aage

kabhi mazi ki wahshat hai kabhi farda ki dahshat hai

mera maqtal mere pichhe mera qatil mere aage

na kuchh kahte bana mujh se na kuchh karte bana mujh se

mera dushman mere ghar mein hua daKHil mere aage

samundar ke bahut se raaz pinhan hain mere dil mein

bahut si kashtiyan Dubin sar-e-sahil mere aage

mudawa kar mudawa kar mudawa kar mohabbat ka

ye kah kar phuT kar roya dil-e-bismil mere aage

meri dukhti hui rag ko achanak chhu diya tum ne

ye kis ka zikr le aae sar-e-mahfil mere aage

abhi bas KHak hai KHashak hain sahra-nawardi hai

safar ke ba'd aaega mera hasil mere aage