sahen kab tak jafaen bewafai dekhne wale

Muztar Khairabadi

sahen kab tak jafaen bewafai dekhne wale

Muztar Khairabadi

MORE BYMuztar Khairabadi

    saheñ kab tak jafā.eñ bevafā.ī dekhne vaale

    kahāñ tak jaan par kheleñ judā.ī dekhne vaale

    tire bīmār-e-ġham ab to nabzeñ bhī nahīñ miltīñ

    kaf-e-afsos malte haiñ kalā.ī dekhne vaale

    ḳhudā se kyuuñ na māñgeñ kyuuñ kareñ minnat amīroñ

    ye kyā deñge kisī ko āna-pā.ī dekhne vaale

    butoñ chaah bantī hai sabab ishq-e-ilāhī

    ḳhudā ko dekh lete haiñ ḳhudā.ī dekhne vaale

    mahīnoñ bhā.ī-bandoñ ne mirā mātam kiyā 'muztar'

    mahīnoñ ro.e ḳhālī chārpā.ī dekhne vaale

    sahen kab tak jafaen bewafai dekhne wale

    kahan tak jaan par khelen judai dekhne wale

    tere bimar-e-gham ki ab to nabzen bhi nahin miltin

    kaf-e-afsos malte hain kalai dekhne wale

    KHuda se kyun na mangen kyun karen minnat amiron ki

    ye kya denge kisi ko aana-pai dekhne wale

    buton ki chah banti hai sabab ishq-e-ilahi ka

    KHuda ko dekh lete hain KHudai dekhne wale

    mahinon bhai-bandon ne mera matam kiya 'muztar'

    mahinon roe KHali chaarpai dekhne wale

    Source :
    • Book : Khirman (Part-1) (Pg. 318)
    • Author : Muztar Khairabadi
    • Publication : Javed Akhtar (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY