sahl tha jaan-afrin tanha tumhaare tir ka

sahl thā jān-āfrīñ tanhā tumhāre tiir kā

kaam letā huuñ dil-e-nāchīz se iksīr kā

kākul-e-jānāñ se milnā halqa-e-zanjīr kā

dekho ab anjām kyā ho vahshī-e-dil-gīr kā

saath kis aalam meñ chhūTā gardish-e-taqdīr kā

hai asīrī kā kahīñ ġham aur kahīñ zanjīr kā

tum hī jaano nāvak-e-mizhgāñ thā kis tāsīr kā

ḳhuun kā rishta magar miltā hai dil se tiir kā

rahnumā-e-dil duā dete haiñ tum ko raat din

zikr aksar hotā rahtā hai tumhāre tiir kā

ho chuke haiñ ġhāliban ab din asīrī ke tamām

qaid meñ ḳhud bah gayā aahan mirī zanjīr kā

kohkan aur qais phir vāpas bulā.e jā.eñge

koh aur sahrā meñ mansūba hai jū-e-shīr kā

husn-e-shīrīñ dekh kar hī mar to jaatā kohkan

thā magar taqdīr meñ laanā bhī jū-e-shīr kā

husn-e-zan kah lījiye yā phir fareb-e-āgahī

aur ziyāda kuchh patā chaltā nahīñ taqdīr kā

lauh-e-marqad par ye likhvā dījiye hazrat 'qadīr'

āḳhirī ziina hai ye insān kī ta.amīr kā

sahl tha jaan-afrin tanha tumhaare tir ka

kaam leta hun dil-e-nachiz se iksir ka

kakul-e-jaanan se milna halqa-e-zanjir ka

dekho ab anjam kya ho wahshi-e-dil-gir ka

sath kis aalam mein chhuTa gardish-e-taqdir ka

hai asiri ka kahin gham aur kahin zanjir ka

tum hi jaano nawak-e-mizhgan tha kis tasir ka

KHun ka rishta magar milta hai dil se tir ka

rahnuma-e-dil dua dete hain tum ko raat din

zikr aksar hota rahta hai tumhaare tir ka

ho chuke hain ghaaliban ab din asiri ke tamam

qaid mein KHud bah gaya aahan meri zanjir ka

kohkan aur qais phir wapas bulae jaenge

koh aur sahra mein mansuba hai ju-e-shir ka

husn-e-shirin dekh kar hi mar to jata kohkan

tha magar taqdir mein lana bhi ju-e-shir ka

husn-e-zan kah lijiye ya phir fareb-e-agahi

aur ziyaada kuchh pata chalta nahin taqdir ka

lauh-e-marqad par ye likhwa dijiye hazrat 'qadir'

aaKHiri zina hai ye insan ki tamir ka