صحرا صحرا رات کریں ہم
صحرا صحرا رات کریں ہم
تنہائی کی بات کریں ہم
پتھر دل دنیا پر آخر
کیوں ضائع جذبات کریں ہم
جب جی چاہے لوٹ مچا دیں
جب چاہے خیرات کریں ہم
اک دوجے کے درد ٹٹولیں
کچھ باتیں بے بات کریں ہم
کس آنگن کو سوکھا چھوڑیں
کس چھت پر برسات کریں ہم
آپ ہی بولیں آپ کی خاطر
ایسا کیا حضرات کریں ہم
پرنالے بھی کھل جائیں گے
پہلے کچھ برسات کریں ہم
ایک اکیلے کیسا ہلا
آؤ مل کر ساتھ کریں ہم
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
