said hun roz-e-azal se aalam-e-asbab ka

said huuñ roz-e-azal se ālam-e-asbāb kā

aur vā rakhtā huuñ siine meñ darīcha ḳhvāb kā

sāmne aate hī us ke merī vahshat jaag uThī

dhyān rahtā thā mujhe yuuñ to bahut ādāb kā

kār-zār-e-ishq se bāhar nikal kar dekhiye

saarī bastī meñ ujālā hai usī kamyāb kā

ālam-e-rūyā maiñ dekhā thā jase maiñ ne kabhī

aks hai ab merī āñkhoñ meñ usī mehrāb kā

aa gayā āḳhir kitāb-e-ishq kā anjām bhī

duur tak bikhrā huā manzar hai pahle baab kā

shaam hai aur surḳh peḌoñ ke dahakte saa.e bhī

niiñd meñ bahtā huā dhārā hai jū-e-āb kā

kis liye 'sājid' banātā huuñ gharauñde ret ke

ruḳh badal saktā hai thoḌī der meñ sailāb kā

said hun roz-e-azal se aalam-e-asbab ka

aur wa rakhta hun sine mein daricha KHwab ka

samne aate hi us ke meri wahshat jag uThi

dhyan rahta tha mujhe yun to bahut aadab ka

kar-zar-e-ishq se bahar nikal kar dekhiye

sari basti mein ujala hai usi kamyab ka

aalam-e-ruya main dekha tha jase main ne kabhi

aks hai ab meri aankhon mein usi mehrab ka

aa gaya aaKHir kitab-e-ishq ka anjam bhi

dur tak bikhra hua manzar hai pahle bab ka

sham hai aur surKH peDon ke dahakte sae bhi

nind mein bahta hua dhaara hai ju-e-ab ka

kis liye 'sajid' banata hun gharaunde ret ke

ruKH badal sakta hai thoDi der mein sailab ka