sailabon ke baad hum aise diwane ho jate hain

Mohsin Asrar

sailabon ke baad hum aise diwane ho jate hain

Mohsin Asrar

MORE BYMohsin Asrar

    sailāboñ ke ba.ad ham aise dīvāne ho jaate haiñ

    apne ghar se us ke ghar tak pahroñ dauḌ lagāte haiñ

    ham ne apne haath zamīñ meñ daab rakhe haiñ is Dar se

    dast-e-talab phailāne vaale dīvāne kahlāte haiñ

    un āñkhoñ sevā kar ke ham ne jaadū siikh liyā

    jab bhī tabī.at ghabrātī hai patthar ke ho jaate haiñ

    apne hijr baat alag hai apnā ishq musalsal hai

    ḳhud se bichhaḌne lagte haiñ to us ke ghar ho aate haiñ

    aadhī raat ko hastī mafhūm samajh meñ aatā hai

    bām-o-dar ke sannāTe jab aapas meñ Takrāte haiñ

    jaane kitnī gard jamī ho ḳhadd-o-ḳhāl pe rastoñ

    is Dar se ham apne ghar meñ dastak de kar jaate haiñ

    ab us par ilzām rakhe ye ḳhalq-e-ḳhudā to kyā kahiye

    ham to us bāteñ kar ke apnā dil bahlāte haiñ

    jis din us yaad aatī hai jiit apnī hotī hai

    rasta rasta kūcha kūcha parcham se lahrāte haiñ

    pahle purvā.ī se dil meñ ek kasak uThtī thī

    ab ye mausam kuchh nahīñ karte lekin ḳhvāb dikhāte haiñ

    maiñ ne apne josh meñ aa kar raqs kiyā thā ḳhud 'mohsin'

    lekin merī bastī vaale us naam batāte haiñ

    sailabon ke baad hum aise diwane ho jate hain

    apne ghar se us ke ghar tak pahron dauD lagate hain

    hum ne apne hath zamin mein dab rakhe hain is Dar se

    dast-e-talab phailane wale diwane kahlate hain

    un aankhon ki sewa kar ke hum ne jadu sikh liya

    jab bhi tabiat ghabraati hai patthar ke ho jate hain

    apne hijr ki baat alag hai apna ishq musalsal hai

    KHud se bichhaDne lagte hain to us ke ghar ho aate hain

    aadhi raat ko hasti ka mafhum samajh mein aata hai

    baam-o-dar ke sannaTe jab aapas mein Takraate hain

    jaane kitni gard jami ho KHadd-o-KHal pe raston ki

    is Dar se hum apne ghar mein dastak de kar jate hain

    ab us par ilzam rakhe ye KHalq-e-KHuda to kya kahiye

    hum to us ki baaten kar ke apna dil bahlate hain

    jis din us ki yaad aati hai jit si apni hoti hai

    rasta rasta kucha kucha parcham se lahraate hain

    pahle purwai se dil mein ek kasak si uThti thi

    ab ye mausam kuchh nahin karte lekin KHwab dikhate hain

    main ne apne josh mein aa kar raqs kiya tha KHud 'mohsin'

    lekin meri basti wale us ka nam batate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now