sajda-gah-e-ahl-e-dil baad-e-fana ho jaiye

Hirman Khairabadi

sajda-gah-e-ahl-e-dil baad-e-fana ho jaiye

Hirman Khairabadi

MORE BYHirman Khairabadi

    sajda-gāh-e-ahl-e-dil ba.ad-e-fanā ho jā.iye

    saf.ha-e-hastī pe ik naqsh-e-vafā ho jā.iye

    pā-e-ḳhud-rafta bhī hāsil zauq-e-behad bhī nasīb

    rahnumā kyoñ DhūñDiye ḳhud rahnumā ho jā.iye

    sham.a-sūrat ek din jalnā hai apnī aag meñ

    lazzat-e-soz-e-darūñ se āshnā ho jā.iye

    bandish rañj-o-alam fikr-e-ajal qaid-e-hayāt

    dars-e-ulfat lījiye sab se rihā ho jā.iye

    jazba-e-ulfat qīmat donoñ aalam bhī nahīñ

    dījiye dil be-niyāz-e-mudda.ā ho jā.iye

    zindagī vo hai kareñ vo jis pe takmīl-e-sitam

    yuuñ basar kiije ki un mudda.ā ho jā.iye

    kuchh na hone par jahāñ ko dard-e-ibrat dījiye

    ḳhalq meñ ik paikar-e-ibrat-numā ho jā.iye

    mil jā.egī kahīñ 'hirmāñ' fazā-e-pur-sukūñ

    is jahān āb-o-gil se to judā ho jā.iye

    sajda-gah-e-ahl-e-dil baad-e-fana ho jaiye

    safha-e-hasti pe ek naqsh-e-wafa ho jaiye

    pa-e-KHud-rafta bhi hasil zauq-e-behad bhi nasib

    rahnuma kyon DhunDiye KHud rahnuma ho jaiye

    shama-surat ek din jalna hai apni aag mein

    lazzat-e-soz-e-darun se aashna ho jaiye

    bandish ranj-o-alam fikr-e-ajal qaid-e-hayat

    dars-e-ulfat lijiye sab se riha ho jaiye

    jazba-e-ulfat ki qimat donon aalam bhi nahin

    dijiye dil be-niyaz-e-muddaa ho jaiye

    zindagi wo hai karen wo jis pe takmil-e-sitam

    yun basar kije ki un ka muddaa ho jaiye

    kuchh na hone par jahan ko dard-e-ibrat dijiye

    KHalq mein ek paikar-e-ibrat-numa ho jaiye

    mil hi jaegi kahin 'hirman' faza-e-pur-sukun

    is jahan aab-o-gil se to juda ho jaiye

    Source:

    • Book : Scan File Mail By Salim Saleem
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY