samajhta hun ki tu mujhse juda hai

Firaq Gorakhpuri

samajhta hun ki tu mujhse juda hai

Firaq Gorakhpuri

MORE BYFiraq Gorakhpuri

    samajhtā huuñ ki mujh se judā hai

    shab-e-furqat mujhe kyā ho gayā hai

    tirā ġham kyā hai bas ye jāntā huuñ

    ki merī zindagī mujh se ḳhafā hai

    kabhī ḳhush kar ga.ī mujh ko tirī yaad

    kabhī āñkhoñ meñ aañsū aa gayā hai

    hijāboñ ko samajh baiThā maiñ jalva

    nigāhoñ ko baḌā dhokā huā hai

    bahut duur ab hai dil se yaad terī

    mohabbat zamāna aa rahā hai

    na ḳhush kar sakā terā karam bhī

    mohabbat ko baḌā dhokā rahā hai

    kabhī taḌpā gayā hai dil tirā ġham

    kabhī dil ko sahārā de gayā hai

    shikāyat terī dil se karte karte

    achānak pyaar tujh par aa gayā hai

    jise chauñkā ke ne pher aañkh

    vo terā dard ab tak jāgtā hai

    jahāñ hai maujzan rañgīnī-e-husn

    vahīñ dil kañval lahrā rahā hai

    gulābī hotī jaatī haiñ fazā.eñ

    koī is rañg se sharmā rahā hai

    mohabbat tujh se thī qabl-az-mohabbat

    kuchh aisā yaad mujh ko aa rahā hai

    judā āġhāz se anjām se duur

    mohabbat ik musalsal mājrā hai

    ḳhudā-hāfiz magar ab zindagī meñ

    faqat apnā sahārā rah gayā hai

    mohabbat meñ 'firāq' itnā na ġham kar

    zamāne meñ yahī hotā rahā hai

    samajhta hun ki tu mujh se juda hai

    shab-e-furqat mujhe kya ho gaya hai

    tera gham kya hai bas ye jaanta hun

    ki meri zindagi mujh se KHafa hai

    kabhi KHush kar gai mujh ko teri yaad

    kabhi aankhon mein aansu aa gaya hai

    hijabon ko samajh baiTha main jalwa

    nigahon ko baDa dhoka hua hai

    bahut dur ab hai dil se yaad teri

    mohabbat ka zamana aa raha hai

    na ji KHush kar saka tera karam bhi

    mohabbat ko baDa dhoka raha hai

    kabhi taDpa gaya hai dil tera gham

    kabhi dil ko sahaara de gaya hai

    shikayat teri dil se karte karte

    achanak pyar tujh par aa gaya hai

    jise chaunka ke tu ne pher li aankh

    wo tera dard ab tak jagta hai

    jahan hai maujzan rangini-e-husn

    wahin dil ka kanwal lahra raha hai

    gulabi hoti jati hain fazaen

    koi is rang se sharma raha hai

    mohabbat tujh se thi qabl-az-mohabbat

    kuchh aisa yaad mujh ko aa raha hai

    juda aaghaz se anjam se dur

    mohabbat ek musalsal majra hai

    KHuda-hafiz magar ab zindagi mein

    faqat apna sahaara rah gaya hai

    mohabbat mein 'firaq' itna na gham kar

    zamane mein yahi hota raha hai

    RECITATIONS

    Nomaan Shauque

    Nomaan Shauque

    Nomaan Shauque

    samajhta hun ki tu mujhse juda hai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY