samundar dasht par but kaTti hai

samundar dasht par but kāTtī hai

musībat ko musībat kāTtī hai

chhupā.ūñ sar to khul jaatā hai paañv

zarūrat ko zarūrat kāTtī hai

zamīñ kartī hai bāteñ āsmāñ se

yahāñ har shai kī qīmat kāTtī hai

maza fōt-pāth kā pūchho na yaaro

imārat kī mujhe chhat kāTtī hai

faqīrī meñ hai itnā lutf yaaro

ki mujh ko bādshāhat kāTtī hai

ġhanīmat jāniye jañgal meñ basnā

hameñ ab ādamiyat kāTtī hai

buzurgoñ kā kahā kab mānte haiñ

ki bachchoñ ko nasīhat kāTtī hai

badan meñ chubhtī haiñ nazroñ kī kircheñ

use logoñ kī niyyat kāTtī hai

huā huuñ is qadar badnām 'saifī'

mujhe ab merī shohrat kāTtī hai

samundar dasht par but kaTti hai

musibat ko musibat kaTti hai

chhupaun sar to khul jata hai panw

zarurat ko zarurat kaTti hai

zamin karti hai baaten aasman se

yahan har shai ki qimat kaTti hai

maza foot-path ka puchho na yaro

imarat ki mujhe chhat kaTti hai

faqiri mein hai itna lutf yaro

ki mujh ko baadshahat kaTti hai

ghanimat jaaniye jangal mein basna

hamein ab aadamiyat kaTti hai

buzurgon ka kaha kab mante hain

ki bachchon ko nasihat kaTti hai

badan mein chubhti hain nazron ki kirchen

use logon ki niyyat kaTti hai

hua hun is qadar badnam 'saifi'

mujhe ab meri shohrat kaTti hai