سنبھل دل کہ نازک بہت امتحاں ہے
سنبھل دل کہ نازک بہت امتحاں ہے
محبت سبک ہے اگر سرگراں ہے
مرا حال دل پوچھتے ہو عزیزو
مرا حال دل رنگ رخ سے عیاں ہے
الٰہی مرے ضبط کی لاج رکھنا
وہ نا مہرباں آج پھر مہرباں ہے
بہار آ رہی ہے دھڑکنے لگا دل
مری سمت کیوں ملتفت باغباں ہے
اک اجڑی سی نگری میں سنسان سا گھر
یہ میرا پتہ ہے یہ میرا نشاں ہے
مٹاتے رہے وہ پکارا کیا میں
مرا آشیاں ہے مرا آشیاں ہے
مرے ساتھ دنیا کا برتاؤ عالمؔ
عجب واقعہ ہے عجب داستاں ہے
مأخذ:
دامن تار تار (Pg. 96)
- مصنف: سید عالم واسطی
-
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
