sanjidgi se sochne baiTha to Dar gaya
sanjīdgī se sochne baiThā to Dar gayā
kal shab maiñ apne aap meñ gahre utar gayā
dekhā jo aa.ina to nigāhoñ ke sāmne
yak-laḳht regzār kā naqsha ubhar gayā
jis ke liye salīb uThā.ī thī jism kī
vo lams mere haath lagāte hī mar gayā
maiñ ne tumhāre vāste bāheñ to khol diiñ
lekin mirā tamām asāsa bikhar gayā
sadiyāñ guzar chukī haiñ nigāhoñ kī raah se
kitnā ġhubār vaqt kī āñkhoñ meñ bhar gayā
chalnā to duur Thiik se baiThe nahīñ kahīñ
raste ke intizām meñ saarā safar gayā
sanjidgi se sochne baiTha to Dar gaya
kal shab main apne aap mein gahre utar gaya
dekha jo aaina to nigahon ke samne
yak-laKHt regzar ka naqsha ubhar gaya
jis ke liye salib uThai thi jism ki
wo lams mere hath lagate hi mar gaya
main ne tumhaare waste bahen to khol din
lekin mera tamam asasa bikhar gaya
sadiyan guzar chuki hain nigahon ki rah se
kitna ghubar waqt ki aankhon mein bhar gaya
chalna to dur Thik se baiThe nahin kahin
raste ke intizam mein sara safar gaya
- Book : Raushni Jaari Karo (Pg. 78)
- Author : Manish Shukla
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
