سر بھی بھاری ہے دل بھی بھاری ہے
سر بھی بھاری ہے دل بھی بھاری ہے
بے قراری سی بے قراری ہے
آسماں پر ستارے ہیں روشن
کیسی قدرت کی دست کاری ہے
پیاس نے آج کر دیا ثابت
ذائقہ آنسوؤں کا کھاری ہے
آپ جس کو نہ سن سکے اب تک
بس وہی داستاں ہماری ہے
رات کے بعد صبح کا آنا
سلسلہ یہ ازل سے جاری ہے
آج کل کے شریف زادوں میں
صاف گوئی نہ انکساری ہے
آپ ہندی زباں پہ شیدا ہیں
ہم کو اردو زبان پیاری ہے
بھیس بدلے ہوئے نہ ہو گوہرؔ
آپ کے در پہ جو بھکاری ہے
مأخذ:
روح جذبات (Pg. 91)
- مصنف: کلدیپ گوہر
-
- ناشر: کلدیپ گوہر
- سن اشاعت: 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
