sar-e-ihata-e-gham raat bhar sanwarna tha
sar-e-ihāta-e-ġham raat bhar sañvarnā thā
tirī judā.ī meñ kār-e-hunar bhī karnā thā
ufuq qarīb thā himmat kī surḳh-rūī kā
lahū meñ Duub ke dariyā ko paar utarnā thā
hameñ thī kaun sī sajde kī aarzū tum se
magar duā meñ kabhī ham ko yaad karnā thā
agar maiñ barg-e-sahar huuñ to tum ko thoḌī der
misāl-e-qatra-e-shabnam yahāñ Thaharnā thā
javāb kā to pata thā hameñ magar phir bhī
lab-e-savāl milā thā savāl karnā thā
vo log sāhil-e-shab par bikhar ga.e kaise
unheñ to ā.ina-e-sub.h meñ sañvarnā thā
sar-e-ihata-e-gham raat bhar sanwarna tha
teri judai mein kar-e-hunar bhi karna tha
ufuq qarib tha himmat ki surKH-rui ka
lahu mein Dub ke dariya ko par utarna tha
hamein thi kaun si sajde ki aarzu tum se
magar dua mein kabhi hum ko yaad karna tha
agar main barg-e-sahar hun to tum ko thoDi der
misal-e-qatra-e-shabnam yahan Thaharna tha
jawab ka to pata tha hamein magar phir bhi
lab-e-sawal mila tha sawal karna tha
wo log sahil-e-shab par bikhar gae kaise
unhen to aaina-e-subh mein sanwarna tha
Source:
Rooh-e-Ghazal,Pachas Sala Intekhab (Pg. 500)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.