sar mera kaT ke pachhtaiyega

Khwaja Mohammad Wazir

sar mera kaT ke pachhtaiyega

Khwaja Mohammad Wazir

MORE BYKhwaja Mohammad Wazir

    sar mirā kaaT ke pachhtā.iyegā

    kis phir jhūTī qasam khā.iyegā

    thaam luuñ dil ko zarā hāthoñ se

    abhī pahlū se na uTh jā.iyegā

    kahiye yārān-e-adam kyā guzrī

    kuchh lab-e-gor se farmā.iyegā

    yūsuf-e-husn agar ġham hogā

    aap yāqūb nazar ā.iyegā

    kar ke isbāt-e-dahan kījiye vasf

    dekhiye muñh abhī khā.iyegā

    kam bhī dene meñ bahut fā.eda hai

    bosa ik dījiye das pā.iyegā

    ḳhat pe ḳhat likhi.yegā ai shāh-savār

    ghoḌī kāġhaz bhī dauḌā.iyegā

    mardum-e-chashm se aa.e jo hijāb

    aañkh ke parde meñ chhup jā.iyegā

    kyā garebāñ ne galā ghoñTā hai

    idhar ai dast-e-junūñ ā.iyegā

    kah ke paañv se chale yaar ke ghar

    ham jo uThne lageñ so jā.iyegā

    kah ke ye tum ho baḌe har baabe

    dar-ba-dar kyā mujhe phirvā.iyegā

    kyuuñ banāvaT se ajī rote haiñ aap

    jhūTe motī kise dikhlā.iyegā

    jaam saaqī se jo māñgā to kahā

    bhar ke ashk aañkh meñ jā.iyegā

    mus.haf-e-ruḳh qasam meñ hai maza

    ham se qur.ān ye uThvā.iyegā

    ḳhat ġhulāmī nahīñ ai yūsuf

    ḳhat jo niklā hai na sharmā.iyegā

    ham ne yūsuf jo kahā kyuuñ bigḌe

    mol legā koī bik jā.iyegā

    hazrat-e-ka.aba jo ban jā.iye arsh

    dil vus.at na kabhī pā.iyegā

    ham bhī aa nikleñge masjid meñ 'vazīr'

    ḳhisht-e-ḳhum le ke jo banvā.iyegā

    sar mera kaT ke pachhtaiyega

    kis ki phir jhuTi qasam khaiyega

    tham lun dil ko zara hathon se

    abhi pahlu se na uTh jaiyega

    kahiye yaran-e-adam kya guzri

    kuchh lab-e-gor se farmaiyega

    yusuf-e-husn agar gham hoga

    aap yaqub nazar aaiyega

    kar ke isbaat-e-dahan kijiye wasf

    dekhiye munh ki abhi khaiyega

    kam bhi dene mein bahut faeda hai

    bosa ek dijiye das paiyega

    KHat pe KHat likhiyega ai shah-sawar

    ghoDi kaghaz ki bhi dauDaiyega

    mardum-e-chashm se aae jo hijab

    aankh ke parde mein chhup jaiyega

    kya gareban ne gala ghonTa hai

    idhar ai dast-e-junun aaiyega

    kah ke panw se chale yar ke ghar

    hum jo uThne lagen so jaiyega

    kah ke ye tum ho baDe har babe

    dar-ba-dar kya mujhe phirwaiyega

    kyun banawaT se aji rote hain aap

    jhuTe moti kise dikhlaiyega

    jam saqi se jo manga to kaha

    bhar ke ashk aankh mein pi jaiyega

    mushaf-e-ruKH ki qasam mein hai maza

    hum se quran ye uThwaiyega

    KHat ghulami ka nahin ai yusuf

    KHat jo nikla hai na sharmaiyega

    hum ne yusuf jo kaha kyun bigDe

    mol lega koi bik jaiyega

    hazrat-e-kaba jo ban jaiye arsh

    dil ki wusat na kabhi paiyega

    hum bhi aa niklenge masjid mein 'wazir'

    KHisht-e-KHum le ke jo banwaiyega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY