sar-o-samaniyon mein ji rahe ho

sar-o-sāmāniyoñ meñ jī rahe ho

baḌī arzāniyoñ meñ jī rahe ho

baḌī taklīf se guzroge ik din

bahut āsāniyoñ meñ jī rahe ho

ye duniyā hai yahāñ aisā hī hogā

'abas hairāniyoñ meñ jī rahe ho

mohabbat bandagī pās-e-aqīdat

ye kin nādāniyoñ meñ jī rahe ho

abhī shādāb lagtā hai sabhī kuchh

abhī tuġhyāniyoñ meñ jī rahe ho

chalo sahrā meñ chal ke ġhul machāo

ye kin vīrāniyoñ meñ jī rahe ho

na tairā jaa.e hai tum se na Duubā

ye kaise pāniyoñ meñ jī rahe ho

sar-o-samaniyon mein ji rahe ho

baDi arzaniyon mein ji rahe ho

baDi taklif se guzroge ek din

bahut aasaniyon mein ji rahe ho

ye duniya hai yahan aisa hi hoga

'abas hairaniyon mein ji rahe ho

mohabbat bandagi pas-e-aqidat

ye kin nadaniyon mein ji rahe ho

abhi shadab lagta hai sabhi kuchh

abhi tughyaniyon mein ji rahe ho

chalo sahra mein chal ke ghul machao

ye kin viraniyon mein ji rahe ho

na taira jae hai tum se na Duba

ye kaise paniyon mein ji rahe ho