aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sau dagh tamannaon ke hum khae hue hain

Kaifi Chirayyakoti

sau dagh tamannaon ke hum khae hue hain

Kaifi Chirayyakoti

MORE BYKaifi Chirayyakoti

    sau daaġh tamannāoñ ke ham khaa.e hue haiñ

    gul jitne haiñ is baaġh meñ murjhā.e hue haiñ

    sharminda huuñ maiñ apnī duāoñ ke asar se

    vo aaj pareshān haiñ ghabrā.e hue haiñ

    ḳhuddārī-e-gesū hai us ruḳh pe ye aalam

    jhuknā jo paḌā un ko to bal khaa.e hue haiñ

    ab tum bhī zarā husn-e-jahāñ-soz ko roko

    ham to dil-e-be-tāb ko samjhā.e hue haiñ

    ai dast-e-karam pheñk de kaunain ko is meñ

    dāman ko tire sāmne phailā.e hue haiñ

    phoḌeñge jabīñ ab tire dar par tire muhtāj

    barbād haiñ taqdīr ke Thukrā.e hue haiñ

    aatā hai baḌhā bahr-e-karam josh meñ 'kaifī'

    ham apne gunāhoñ pe jo sharmā.e hue haiñ

    sau dagh tamannaon ke hum khae hue hain

    gul jitne hain is bagh mein murjhae hue hain

    sharminda hun main apni duaon ke asar se

    wo aaj pareshan hain ghabrae hue hain

    KHuddari-e-gesu ka hai us ruKH pe ye aalam

    jhukna jo paDa un ko to bal khae hue hain

    ab tum bhi zara husn-e-jahan-soz ko roko

    hum to dil-e-be-tab ko samjhae hue hain

    ai dast-e-karam phenk de kaunain ko is mein

    daman ko tere samne phailae hue hain

    phoDenge jabin ab tere dar par tere muhtaj

    barbaad hain taqdir ke Thukrae hue hain

    aata hai baDha bahr-e-karam josh mein 'kaifi'

    hum apne gunahon pe jo sharmae hue hain

    Source:

    Kaifi Chiraiya Koti (Pg. 6)

      • Publisher: Anjuman Taraqqi Urdu (Hind), Aligarh
      • Year of Publication: 1962
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now