sawad-e-sham-e-gham mein yun to der tak jala charagh

Nazir Siddiqi

sawad-e-sham-e-gham mein yun to der tak jala charagh

Nazir Siddiqi

MORE BYNazir Siddiqi

    savād-e-shām-e-ġham meñ yuuñ to der tak jalā charāġh

    na jaane kyuuñ thakā thakā udaas udaas thā charāġh

    phir is ke ba.ad umr-bhar ye justujū rahī mujhe

    ki ek shab guzār ke kahāñ chalā gayā charāġh

    vo kab se thā vo kaun thā koī to mere saath thā

    mire safar meñ yak-ba-yak kahāñ se aa gayā charāġh

    bujhā sake to ab tujhe mirī salā-e-ām hai

    fasīl-e-jāñ pe ai havā jalā ke rakh diyā charāġh

    maiñ ḳhūgar-e-sitam bhī huuñ adā-shanās-e-ġham bhī huuñ

    majāl kyā havā-e-ġham bujhā sake mirā charāġh

    vajūd-e-ġham bachā liyā ye baat koī kam nahīñ

    havā-e-ġham ke sāmne laraz ke rah gayā charāġh

    sawad-e-sham-e-gham mein yun to der tak jala charagh

    na jaane kyun thaka thaka udas udas tha charagh

    phir is ke baad umr-bhar ye justuju rahi mujhe

    ki ek shab guzar ke kahan chala gaya charagh

    wo kab se tha wo kaun tha koi to mere sath tha

    mere safar mein yak-ba-yak kahan se aa gaya charagh

    bujha sake to ab tujhe meri sala-e-am hai

    fasil-e-jaan pe ai hawa jala ke rakh diya charagh

    main KHugar-e-sitam bhi hun ada-shanas-e-gham bhi hun

    majal kya hawa-e-gham bujha sake mera charagh

    wajud-e-gham bacha liya ye baat koi kam nahin

    hawa-e-gham ke samne laraz ke rah gaya charagh

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY